ကုလသမဂ္ဂဒုက္ခသည်များဆိုင်ရာမဟာမင်းကြီးရုံးရဲ့ အထူးသံတမန်ဖြစ်တဲ့ နာမည်ကြီး သရုပ်ဆောင် အန်ဂျလီနာ ဂျိုလီဟာ မနေ့က ယူကရိန်းနိုင်ငံ လာဗက်မြို့က မီးရထားဘူတာတခုဆီကို သွားရောက်ခဲ့ပါတယ်။
အဲဒီမှာ စေတနာဝန်ထမ်း ဗော်လံတီယာတွေနဲ့ တွေ့ဆုံပြီး စစ်ဘေးကြောင့် ဖြစ်လာတဲ့ စိတ်ဒဏ်ရာတွေအကြောင်း၊ စစ်ဘေးဒဏ်ခံနေရသူတွေ အထူးသဖြင့် ကလေးငယ်တွေကို ကူညီစောင့်ရှောက်နေတာကို ကျေးဇူးတင်တဲ့အကြောင်း ပြောခဲ့ပါတယ်။
ဒီနှစ်ထဲမှာ ယူကရိန်းကနေ စစ်ဘေးဒုက္ခသည် ၈ သန်းကျော်ဟာ နိုင်ငံကို စွန့်ခွာရနိုင်တယ်လို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက ခန့်မှန်းထားပါတယ်။
ကျန်ခဲ့တဲ့ ၂ လအတွင်းမှာ စစ်ကြောင့် လူပေါင်း ၁၂ ဒသမ ၇ သန်းဟာ အိုးအိမ် စွန့်ခွာခဲ့ရပြီး ၇ ဒသမ ၇ သန်းဟာ နိုင်ငံတွင်းမှာပဲ စစ်ဘေးဒုက္ခသည်ဘဝရောက်နေကာ ၅ သန်းကတော့ တခြား တနိုင်ငံမှာ ခိုလှုံဖို့ နယ်စပ်ဖြတ်ကျော် ထွက်ခွာသွားပြီးလို့ UNHCR က ပြောပါတယ်။
