ရှမ်းပြည်နယ်၊ လားရှိုးမြို့ရှိ  မြို့မဈေးမှာ  ကိုဗစ်-၁၉ ပိုးတွေ့လူနာ ၁၅ ဦးထိ ရှိလာတာ‌ကြောင့် ကုန်စိမ်းဈေး (မိုးမလင်းဈေး) အပါအဝင် မြို့မဈေးတို့ကို  ဇွန်လ ၂၃ ရက်နေ့ကစ ဇူလိုင် ၆ ရက်နေ့ထိ၂ ပတ်တိတိ ယာယီပိတ်သွားမယ်လို့ သိရပါတယ်။

လားရှိုးမြို့မှာ  ဇွန် ၂၂ ရက်နေ့ တစ်ရက်တည်း စံချိန်တင်ထပ်တိုးပိုးတွေ့သူ ၅၇ ယောက် အပါအဝင် ဇွန် ၈ ရက်ကနေ ဇွန် ၂၂ ရက်အထိ ပိုးတွေ့လူနာ ၂၀၉ ယောက်ရှိပြီဖြစ်ပြီး ၂၄ ဦး သက်သာပျောက်ကင်း ဆေးရုံဆင်းပြီဖြစ်ကာ မန္တလေးမှာ ကုသနေသူ ၁ ဦး ဇွန် ၂၂ ရက်‌နေ့လယ်ပိုင်းက သေဆုံးသွားတယ်လို့ သိရပါတယ်။

ဇွန် ၂၂ ရက်နေ့ တစ်ရက်တည်း Swab ယူထားသူ ၈၆ ဦးထဲက ပိုးတွေ့လူနာ ၃၃ ဦးရှိလာပြီး မနက်ပိုင်း အနံ့ပျောက်သူတွေကို RDT နဲ့ စစ်လိုက်တော့ ပိုးတွေ့လူနာသစ် ၂၄ ဦး ရှိခဲ့တာဖြစ်ပြီး စုစုပေါင်း ပိုးတွေ့လူနာ ၅၇ ဦးထိ စံချိန်တင် ‌ကူးစက်ပျံ့နှံ့ ဖြစ်ပွားလာပါတယ်။

ရောဂါကူးစက်နှုန်း မြင့်မားလာတဲ့အတွက် လူတိုင်းမလိုအပ်ဘဲ အပြင်မထွက်ဖို့၊ အပြင်ထွက်ရင် Marsk တပ်ဖို့နဲ့ ကိုဗစ်စည်းကမ်းနဲ့ ကျန်းမာရေးလမ်းညွှန်ချက်တွေကို လိုက်နာဖို့ အရေးကြီးလာပြီး တစ်မြို့လုံး Stay at home နဲ့ မြို့ကို Lockdown လုပ်ဖို့ လိုအပ်တဲ့အခြေအနေ ရှိတယ်လို့ ဒေသခံတစ်ဦးက ပြောပါတယ်။

မြို့မစျေးကြီးထဲက ကုန်စိမ်းတန်း၊ အလှကုန်တန်း၊ စားသောက်တန်းအပြင် ဘူတာစျေး၊ ညနေဘူတာပျံကျစျေးနဲ့ ရပ်ကွက် ၄ ထဲက အိမ်၊ လမ်း၊ အဆောက်အဦအချို့ကို Lock down လုပ်ထားလိုက်ပြီးဖြစ်ပါတယ်။

ရှမ်းပြည်နယ် မြောက်ပိုင်းအနေနဲ့ ဇွန်လ ၂၂ ရက်နေ့ထိ သီပေါမြို့နယ် နမ့်လန်မှာ ပိုးတွေ့လူနာ ၂၁ ဦး၊ ၁ ဦး သေ၊ သီပေါမြို့တွင်း ၅ ဦး၊ ဇွန်လ ၂၁ ရက်နေ့ထိ လောက်ကိုင်မြို့နယ်မှာ  ပိုးတွေ့လူနာ ၃၁ ဦး၊ နောင်ချိုမြို့နယ် ၂၉ ဦး၊ ကွတ်ခိုင်မြို့နယ် ၂ ဦး၊ နမ္မတူမြို့နယ် ၃ ဦး၊ ကျောက်မဲမြို့နယ် ၂ ဦး၊ မိုင်းရယ်မြို့နယ် ၂ ဦး၊ တန့်ယန်းမြို့နယ် ၁ ဦး (သေဆုံး)၊ သိန္နီမြို့နယ် ၂ ဦး၊ မူဆယ်မြို့နယ် ၅ ဦး၊ နမ့်ခမ်းမြို့နယ် ၂ ဦး နဲ့ ၁၅ ရက်အတွင်း လားရဇိုးအပါအဝင် စုစုပေါင်း ၂၈၀ ကျော်ထိ ရှိလာပါတယ်။

Pra Jaw

Photo Crd# Covid - 19 Operation Team (lso)

ရှမ်းပြည်နယ်မြောက်ပိုင်း၊ လားရှိုးမြို့မှာ ကိုဗစ်-၁၉ ပိုးတွေ့လူနာတွေ ထပ်တိုးတွေ့ရှိခဲ့တဲ့ မြို့မဈေး ကုန်စိမ်းရုံကို ဒီနေ့ ဇွန်လ ၁၈ ရက်မှ  ဇူလိုင်လ ၁ ရက်အထိ အသွားအလာကန့်သတ် လော့ဒေါင်း ချသွားမှာ ဖြစ်ကြောင်း လားရှိုး Covid - 9 Operation Team က သိရပါတယ်။

"လားရှိုးမြို့ ကုန်စိမ်းတန်းဈေးနဲ့  အလှကုန်တန်းကို နှစ်ပတ်တိတိ ယာယီပိတ်ထားလိုက်ပြီ။ လော့ဒေါင်း ချလိုက်ပါပြီ" လို့  လားရှိးမြို့ခံ ဈေးသည် တစ်ဦးက ပြောပါတယ်။

ကုန်းစိမ်းဘက်အခြမ်းမှာ ပန်းတန်း၊ ကျူလီယာတန်း၊ စားသောက်တန်းတွေပဲပိတ်မှာဖြစ်ပြီး သားငါးရုံ၊ စဉ့်အိုးတန်း၊ ပလောင်တန်း၊ ကုန်ခြောက်ရုံနဲ့ ဘဏ် ၁ -၂ လမ်းက ဈေးဆိုင်တန်းတွေကတော့ ပုံမှန်အတိုင်း ဖွင့်ထားမှာဖြစ်​ပြီး ဈေးကြီးတွေ လော့ဒေါင်း ချဖို့ လိုလာပါက ကြိုတင်အသိပေးသွားမယ်လို့ ဆိုပါတယ်။

လားရှိုးမှာ ဇွန်လ ၁၇ ရက် ညနေ ၅ နာရီထိ ထပ်တိုးတွေ့ရှိတဲ့ ကိုဗစ်-၁၉  ပိုးတွေ့ လူနာ ၁၃ ဦးရှိပြီး ဇွန်လ ၈ ရက်မှ ဇွန်လ ၁၇ ရက်နေ့ထိ ပိုးတွေ့လူနာစုစုပေါင်း ၈၆ ဦးရှိပါတယ်။

ရှမ်းပြည်နယ်မြောက်ပိုင်းတစ်ခုလုံးမှာတော့ လားရှိုး၊ သီပေါ၊ နမ့်လန်၊ တန့်ယန်း၊ နမ္မတူနဲ့ မိုင်းရယ်တို့မှ  စုစုပေါင်း ပိုးတွေ့ လူနာပေါင်း  ၁၀၁ ဦးထိ ရှိပြီး  နမ့်လန်က ၁ ဦးနဲ့ တန့်ယန်း ၁ ဦး စုစုပေါင်း သေဆုံးသူ ၂ ဦးရှိပါတယ်။