ပြင်သစ်လိဂ်ချန်ပီယံလိုင်လီအသင်းဟာ မနေ့က ကစားခဲ့တဲ့ ခြေစမ်းပွဲမှာ ကစားသမားအချင်းချင်း ခိုက်ရန်ဖြစ်ပွားခဲ့လို့ ၂ ဦးစလုံးထုတ်ပယ်ခံခဲ့ရပါတယ်။
ဇွန်လ၁၈ရက်က ဘယ်လ်ဂျီယံကလပ် ကော့ထရွိုက်အသင်းနဲ့ ခြေစမ်းခဲ့ရာမှာ ပေါ်တူဂီကစားသမား ၂ ဦးဖြစ်တဲ့ ကွင်းလယ်လူ ချီကာနဲ့ နောက်ခံလူ တီယာဂိုဒီဂျာလိုတို့ တစ်ဦးနဲ့တစ်ဦးတွန်းထိုးခဲ့ကြတာပါ။
ကွင်းလယ်လူချီကာအနေနဲ့ ဒီဂျာလိုရဲ့ ခြေစွမ်းအပေါ် ဝေဖန်ပြောဆိုခဲ့တာကြောင့်လို့ သိရပြီး ဒီဂျာလိုက ချီကာဆီ ပြေးလာပြီး ခိုက်ရန်ဖြစ်ပွားခဲ့တာပါ။
ကွင်းလယ်ဒိုင်က ၂ ဦးစလုံးကို ထုတ်ပယ်ခဲ့ပြီး ပြိုင်ဘက် ကော့ထရွိုက်နည်းပြကတော့ ခြေစွမ်းပွဲဖြစ်တာနဲ့အညီ ၂ ယောက်အသာနဲ့ ကစားခဲ့ခြင်းမရှိဘဲ ကစားသမား ၁ဝ ဦးနဲ့သာ ကစားဖို့ တောင်းဆိုပြီး တစ်ယောက်အသာနဲ့ပဲ ယှဉ်ပြိုင်ကစားခဲ့ပါတယ်။
လိုင်လီအသင်းဟာ အဲဒီပွဲစဉ်မှာ ၁ ဂိုးစီသရေကစားနိုင်ခဲ့ပြီး ပွဲပြီးခါနီးမှာ ရာဇီဆီက ပင်နယ်တီကနေ ချေပဂိုးသွင်းခဲ့ပါတယ်။
နာမည်ကြီး ပီအက်စ်ဂျီကို ကျော်ဖြတ်ပြီး လီဂူးဝမ်းချန်ပီယံဖြစ်ခဲ့တဲ့ လိုင်လီအသင်းဟာ နည်းပြ ဂယ်တီယာနဲ့ လမ်းခွဲခဲ့ပြီး ဘော်ဒိုး နဲ့ ဂူအင်ဂမ့်နည်းပြဟောင်း ဂေါ်ဗင်းနက်က တာဝန်ယူကိုင်တွယ်နေတာဖြစ်ပါတယ်။
