close

လုပ်ခပေါင်း ၁ သိန်း

close

August 13, 2021

ကန်တေထက် တိုက်စစ်မှူးသစ် လူကာကူ လုပ်ခပေါင်း ၁ သိန်းကျော် ပိုရ

ချဲလ်ဆီးတိုက်စစ်မှူးသစ် လူကာကူဟာ အသင်းရဲ့ လုပ်ခအများဆုံးကစားသမား ကန်တေ ထက် ပေါင် ၁ သိန်း ၆ သောင်းခန့် ပိုမိုရရှိမယ်လို့ သိရပါတယ်။ 

ကန်တေဟာ ချဲလ်ဆီးအသင်းမှာ တစ်ပတ်လုပ်ခ ပေါင် ၂ သိန်း ၉ သောင်း ရရှိနေပြီး အသင်းရဲ့ လုပ်ခအများဆုံးကစားသမားဖြစ်ခဲ့တာပါ။ 

လူကာကူက  တစ်ပတ် လုပ်ခ ပေါင် ၃ သိန်း ၃ သောင်းခန့်ကနေ ၄ သိန်းခွဲ အထိ ရရှိနိုင်မှာဖြစ်လို့ ကန်တေရဲ့ လုပ်ခထက် ပေါင် ၁ သိန်း ၆သောင်းလောက် ပိုမိုရရှိနိုင်မယ်လို့ The Athletic သတင်းစာက ဖော်ပြပါတယ်။ 

အသက်၂၈ နှစ်ရှိ လူကာကူဟာ အင်တာမီလန်မှာ ခြေစွမ်းပြခဲ့ပြီးနောက် အသင်းဟောင်း ချဲလ်ဆီးက ပေါင် ၉၈ သန်းနဲ့ ဝယ်ယူခဲ့တာဖြစ်ပါတယ်။ 

ပရီးမီးယားလိဂ်လုပ်ခအများဆုံး ကစားသမားတွေထဲမှာ ဆုကြေးတွေပါ ပေါင်းထည့်မယ်ဆိုရင် လူကာကူက တစ်ပတ်လုပ်ခ ပေါင် ၄ သိန်းခွဲနဲ့ အများဆုံးဖြစ်ပြီး မန်စီးတီးကွင်းလယ်လူ ကီဗင်ဒီဘရိုင်းက ပေါင်  ၃ သိန်း ၈ သောင်း ၅ ထောင်ရရှိတယ်လို့ သိရပါတယ်။ 

အဲဒီနောက်မှာ မန်စီးတီး ကွင်းလယ်လူသစ် ဂျက်ဂရေးလစ်ရှ်၊ မန်ယူဂိုးသမား ဒေးဗစ်ဒီဂီယာ၊ အာဆင်နယ်တိုက်စစ်မှူး အူဘာမီယန်း၊ မန်စီးတီးက စတာလင်၊ မန်ယူကွင်းလယ်လူ ပေါ့ဘာတို့က အစဉ်လိုက်ရပ်တည်နေပါတယ်။ 

14 mins Ago
Up