မြန်မာ-ထိုင်းနယ်စပ်၊ မဲဆောက်မှာ  လူကုန်ကူးမှုနဲ့  ဖမ်းဆီးရမိသူ  ၃၆ ဦး၊ ဖမ်းဝရမ်းထုတ်ခံထားရသူ ၄၀ ဦးရှိပြီး  ထိုင်းနိုင်ငံသား ၁ ဦးနဲ့ မြန်မာ ၇ ဦး စုစုပေါင်း ၈ ဦးကတော့ မြန်မာနိုင်ငံဘက် တိမ်းရှောင်ထွက်ပြေးနေတယ်လို့  ထိုင်းနိုင်ငံ ဒုတိယရဲမှူးကြီး  စုလချေ့ဟဖားက ပြောပါတယ်။

ထိုင်းနိုင်ငံအတွင်း လူကုန်ကူးမှုတွေကို ထိုင်းရဲတပ်ဖွဲ့က ဖမ်းဆီးအရေးယူတာတွေပိုမို လုပ်ဆောင်လာတဲ့အတွက် လူကုန်ကူးသူတွေမြန်မာနိုင်ငံဘက်ကို တိမ်းရှောင် ထွက်ပြေးသွားတာလို့ ထိုင်းနိုင်ငံဒုတိယရဲမှူးကြီးက စက်တင်ဘာ ၂ ရက် မဲဆောက်မြို့ လဝက ရုံးမှာကျင်းပတဲ့ သတင်းစာရှင်းလင်းပွဲမှာ ပြောသွားပါတယ်။

ထွက်ပြေးသွားသူတွေကို ဖမ်းဆီးရမိနိုင်ရေး မြန်မာနိုင်ငံဌာနဆိုင်ရာတွေနဲ့ ဆက်သွယ်ပြီး ဆက်လက် ဆောင်ရွက်သွားမယ်လို့လည်း ပြောပါတယ်။

မြန်မာနိုင်ငံ ရခိုင်ပြည်ဘက်ကလာတဲ့ ရိုဟင်ဂျာတွေ မြန်မာ-ထိုင်းနယ်စပ်ကတဆင့် အိမ်နီးချင်း မလေးရှားဘက်ကို လူကုန်ကူးခံရတဲ့ကိစ္စမှာ  ထိုင်းအာဏာပိုင်တွေ ပါဝင်ပတ်သက်မှုရှိရင် တရားဥပဒေအတိုင်းအရေးယူခံရမှာဖြစ်ပြီး အစိုးရဌာနကနေ ဖယ်ရှားခံရမှာ ဖြစ်သလို ပိုင်ဆိုင်မှုတွေကိုလည်း နိုင်ငံပိုင်အဖြင့် သိမ်းဆည်းခံရမှာဖြစ်ပါတယ်။

ထိုင်းနိုင်ငံမှာ ၂၀၂၁ ခုနှစ်မှ ၂၀၂၁၂ ခုနှစ်အတွင်း  လူကုန်ကူးမှုနဲ့ ဆက်နွှယ်ပတ်သက်တဲ့ ပစ္စည်းတွေကို ပြည်သူပိုင်သိမ်းဆည်းထားတာ ဘတ်ငွေ သန်းရာချီရှိနေတယ်လို့ သိရပါတယ်။

မြန်မာ-ထိုင်းနယ်စပ်မှာ လူကုန်ကူးမှုအပြင် မူးယစ်ဆေးမှောင်ခိုမှု၊ အွန်လိုင်းကနေ ငွေလိမ်မှုတွေလလည်းရှိပြီး ငွေလွှဲတာ၊ ငွေလက်ခံတာနဲ့ ငွေအလဲအလှယ်လုပ်သူတွေကိုပါ ဆက်လက် အရေးယူသွားဖို့ ရှိတယ်လို့ ထိုင်းရဲအရာရှိက ပြောပါတယ်။

စပိန်နိုင်ငံမြောက်ပိုင်းက အာဖရိကန်လူမျိုးစုတွေ နေထိုင်ရာ မေလီလာနဲ့ မော်ရိုကို နယ်စပ်နားမှာ လူသေတဲ့အထိ နယ်စပ်ကျူးကျော်မှု ဖြစ်ရတာဟာ လူကုန်ကူးသူ မာဖီးယားဂိုဏ်းတွေကြောင့်လို့ စပိန်ဝန်ကြီးချုပ် ပေဒရို စန်ချက်ဇ်က ဇွန် ၂၅ ရက်မှာ ပြစ်တင်ရှုတ်ချလိုက်ပါတယ်။

ဇွန် ၂၄ ရက်က နယ်စပ်ကျူးကျော်မှုအတွင်း ရွှေ့ပြောင်းနေထိုင်သူ ၁၈ ယောက်ထက်မနည်း သေဆုံးပြီး စပိန်နဲ့ မော်ရိုကိုအရာရှိ အတော်များများ ဒဏ်ရာရခဲ့ကြပါတယ်။

ဒါဟာ ကျနော်တို့နိုင်ငံရဲ့ ပိုင်နက် ဂုဏ်သိက္ခာကို တိုက်ခိုက်တာပဲလို့ စန်ချက်ဇ်က မဒရစ်မြို့တော်က သတင်းစာရှင်းလင်းပွဲမှာ ပြောပါတယ်။

ရွှေ့ပြောင်းနေထိုင်သူတွေ နယ်စပ်ခြံစည်းရိုးကို ဖြတ်ကျော်ရင်း တချို့က ခြံစည်းရိုးအမြင့်ကနေ ပြုတ်ကျသေဆုံးသလို တချို့က လူနင်းမိပြီး သေဆုံးတာလို့ မော်ရိုကို အာဏာပိုင်တွေက ပြောပါတယ်။

မော်ရိုကို လူ့အခွင့်အရေးအဖွဲ့ကတော့ လူ ၂၇ ယောက် သေဆုံးတယ်လို့ ပြောပါတယ်။

ဇွန် ၂၄ ရက်က ရွှေ့ပြောင်းနေထိုင်သူ အယောက် ၂၀၀၀ လောက်ဟာ စပိန်နယ်မြေထဲကို ဖြတ်ဝင်ဖို့ နယ်စပ်စည်းရိုးကို အတင်းဝင်စီးခဲ့ကြပါတယ်။

ဒါကြောင့် နယ်ခြားစောင့်တပ်တွေနဲ့ လုံခြုံရေးတပ်တွေနဲ့ ရုန်းရင်းဆန်ခတ် ၂ နာရီကြာ ဖြစ်ပွားခဲ့တယ်လို့ စပိန်နဲ့ မော်ရိုကို အာဏာပိုင်တွေက ပြောပါတယ်။

မော်ရိုကို လုံခြုံရေးတပ်ဖွဲ့ဝင် အယောက် ၁၄၀ လောက် ဒဏ်ရာရပြီး ငါးယောက်က အသည်းအသန် အခြေအနေထိ ရောက်ခဲ့ပါတယ်။

ဒါပေမယ့် နယ်စပ်ရဲ့ စပိန်ဘက်အခြမ်းမှာ သေဆုံးသူ တယောက်မှ မရှိခဲ့ဘူးလို့ စပိန်အစိုးရ ပြောခွင့်ရက ပြောခဲ့ပါတယ်။

စပိန်ဘက်ခြမ်းမှာ ရွှေ့ပြောင်းနေထိုင်သူ ၅၇ ယောက်နဲ့ ရဲအရာရှိ ၄၉ ယောက် ဒဏ်ရာ ရတယ်လို့လည်း ပြောခဲ့ပါတယ်။