စပါးအသင်းဟာ ယာယီနည်းပြ ခရစ္စတီယန်စတယ်လီနီကို ထုတ်ပယ်လိုက်ပြီး လူငယ်နည်းပြရွိုင်ယန်မေဆန်နဲ့ အစားထိုးခန့်အပ်လိုက်ပါတယ်။

နည်းပြစတယ်လီနီဟာ ကွန်တီရဲ့လက်အောက်မှာ လက်ထောက်နည်းပြအဖြစ် တာဝန်ယူခဲ့သူဖြစ်ပြီး နည်းပြကွန်တီကို ထုတ်ပယ်ပြီးနောက် ယာယီနည်းပြ အဖြစ်တာဝန်ပေးခဲ့တာပါ။

ရာသီကုန်အထိတာဝန်ပေးခဲ့တာဖြစ်ပေမဲ့ တနင်္ဂနွေနေ့က ကစားခဲ့တဲ့ နယူးကာဆယ်နဲ့ပွဲစဉ်မှာ ၆ ဂိုး ၁ ဂိုးနဲ့ ရှုံးနိမ့်ပြီးနောက် စတယ်လီနီနဲ့ နည်းပြအဖွဲ့ဝင်တွေကို ထုတ်ပယ်ခဲ့တာပါ။

လူငယ်နည်းပြဖြစ်သူ စပါးကစာသးမားဟောင်း မေဆန်ဟာလည်း စတယ်လီနီရဲ့ လက်အောက်မှာ နည်းပြအဖွဲ့ဝင်တစ်ဦးအနေနဲ့ တာဝန်ယူခဲ့သူပါ။ 

အသက် ၃၁ နှစ်ရှိ နည်းပြမေဆန်ဟာ ၂၀၂၁ ခုနှစ်က နည်းပြမော်ရင်ညိုကို ထုတ်ပယ်စဉ်ကလည်း ယာယီနည်းပြအဖြစ် တာဝန်ယူခဲ့ပါသေးတယ်။

နယူးကဆယ်နဲ့ပွဲကရလဒ်ဟာ လက်ခံနိုင်စရာမရှိကြောင်း အသင်းဥက္ကဋ္ဌ လီဗိုင်းက ထုတ်ပြန်ပါတယ်။

နည်းပြမေဆန်ဟာ အသင်းအကြောင်းနဲ့ ကစားသမားတွေရဲ့အကြောင်းကို သိရှိသူဖြစ်ပြီး  လက် ထောက်နည်းပြအဖွဲ့ ဝင်တွေကိုလည်း မကြာခင်ခန့်အပ်သွားမယ်လို့ စပါးအသင်းက သတင်းထုတ်ပြန်ခဲ့ပါတယ်။