close

လူငယ် ၅ ဦး

close

July 26, 2022

ကလေးမြို့တွင် ဖုန်းပြင်သင်တန်းတက်နေသည့် လူငယ် ၅ ဦး ဖမ်းဆီးခံရ

စစ်ကိုင်းတိုင်း၊ ကလေးမြို့၊ ဒေသကွက်ကဲမှုစစ်ဌာနချုပ်အနီးမှာ ဇူလိုင် ၂၃ ရက်နေ့က ဒကစထဲမှ ထွက်လာတဲ့ စစ်ကားတစီးကို ကလေး PDF တပ်ဖွဲ့က မိုင်းခွဲတိုက်ခိုက်ခံပြီးနောက် လူငယ် ၅ ဦး ဖမ်းဆီးခံခဲ့ရတယ်လို့ ဒေသခံတွေက ပြောပါတယ်။

အဆိုပါ မိုင်းခွဲတိုက်ခိုက်မှူကြောင့် စစ်ကောင်စီတပ်သား ၅ ဦး ကျဆုံးသွားတယ်လို့ ကလေး PDF က ထုတ်ပြန်ထားပြီး စစ်ကောင်စီတပ်သားတွေက မိုင်းခွဲခံထားရတဲ့ အနီးပတ်ဝန်းကျင် စွမ်းအားဖုန်းပြင်ဆိုင်က ဖုန်းပြင်သင်တန်းတက်နေတဲ့ လူငယ် ၅ ဦးကို ဖမ်းဆီးခေါ်ဆောင်သွားတယ်လို့ ဆိုပါတယ်။

ကလေး PDF ရဲ့တာဝန်ရှိသူတဦးက “အဲ့ဒီဖမ်းဆီးခံရတဲ့ ဖုန်းပြင်ဆိုင်က လူငယ်တွေဟာ ကျနော်တို့မိုင်းခွဲတိုက်ခိုက်မှုနဲ့ မသက်ဆိုင်ဘူး။ စစ်ကောင်စီက မသက်ဆိုင်တဲ့သူတွေ လိုက်ဖမ်းနေတာပါ။ ကျနော်အနေနဲ့ မှာကြားချင်တာ‌ကတော့ မြို့တွင်းမှာ စစ်ရေးအရှိန်ဟုန် မြှင့်တင်နေတာကြောင့် စစ်ကောင်စီကင်းစခန်းတွေ၊ တပ်စွဲထားတဲ့နေရာတွေနဲ့ စစ်ဆေးတဲ့နေရာတွေမှာ ဒေသခံတွေအနေနဲ့ အနီးကပ်မှာမနေကြဖို့ အထူးသဖြင့် ဝေးရာမှာနေထိုင်ကြဖို့ ပြောချင်ပါတယ်” လို့ ပြောပါတယ်။

ဖမ်းဆီးခံရတဲ့ လူငယ် ၅ ဦးကို စစ်ကောင်စီတပ်သားတွေက ဒေသကွပ်ကဲမှုစစ်ဌာနချုပ်အတွင်း ဖမ်းဆီးသွားပြီး အဆက်အသွယ်မရသေးသေးဘူးလို့ နီးစပ်တဲ့သူတဦးက ပြောပါတယ်။

စစ်တပ်ကအာဏာသိမ်းပြီး ကလေးမြို့မှာ ဖမ်းဆီးထိန်းသိမ်းခံရသူ ၅၀၀‌ ဝန်းကျင်ရှိ‌ပြီဖြစ်ပြီး ပစ်ခတ်သတ်ဖြတ်ခံခဲ့ရသူ ၁၀၀‌ ကျာ်ရှိနေပြီလို့ သပိတ်အဖွဲ့ဝင်တွေရဲ့ စစ်တမ်းအရ သိရပါတယ်။

48 mins Ago

March 10, 2021

စဥ့်ကိုင်မြို့က လယ်လုပ်ရေတင်သူ ၅ ဦးကို မိဘများရှေ့ စစ်တပ်နှင့်ရဲက ရိုက်နှက်ဖမ်းဆီး

စဥ့်ကိုင်မြို့ တောမရွာက လယ်လုပ်ရေတင်နေတဲ့ လူငယ် ၅ ဦးကို အမေးအမြန်းမရှိ မိဘတွေရှေ့မှာ မေ့လဲတဲ့အထိ ရိုက်နှက်ဖမ်းဆီးသွားတယ်လို့ သိရပါတယ်။

မန္တလေးတိုင်း၊ စဥ့်ကိုင်မြို့ တောမရွာမှာ ရှိတဲ့ ကျောက်ဆည်တက္ကသိုလ်ကို တပ်စွဲထားတာ ၄ ရက်မြောက်ရှိနေပြီး ထွက်ခွာသွားဖို့ ကျောင်းသားတွေနဲ့ရွာသားတွေက ကျောင်းရှေ့မှာ နေ့တိုင်းဆန္ဒပြနေကြတာပါ။

နေ့စဉ် ထိုင်သပိတ်ဆန္ဒပြတာကို လာဖြိုခွင်းနေတာကြောင့် ရှောင်တိမ်းနေကြရတာလည်း ဖြစ်ပါတယ်။ 

ဒီနေ့မှာတော့ ကျောင်းရှေ့ ထိုင်သပိတ်နဲ့ တောမရွာက off -take station ရှေ့မှာ ကျောင်းသားတွေ ဆန္ဒပြဖို့ ရောက်နေစဥ်မှာပဲ ရဲကားနဲ့စစ်ကားတွေ ပိတ်ပြီး ဖမ်းဖို့ကြိုးစားတာကြောင့် အမြန်လူစုခွဲ တိမ်းရှောင်ခဲ့ရတယ်လို့ ကျောင်းသားတဦးက ပြောပါတယ်။

ဆန္ဒပြသူတွေကို ရဲနဲ့ စစ်တပ်က ဖမ်းမမိဘဲ လယ်တောက ပြန်လာတဲ့ လူငယ်တွေကို လေးခွကိုင်မှု၊ အိမ်က စက်နှိုးဖို့ ဆီဝယ်လာတဲ့ကလေးကို ဓာတ်ဆီကိုင်မှုဆိုပြီး အမေးအမြန်းမရှိ မိဘတွေရှေ့မှာ မေ့လဲတဲ့အထိ ရိုက်နှက်ပြီးမှ ရဲကားပေါ် ခေါ်တင်သွားတယ်လို့ မျက်မြင်တွေက ပြောပါတယ်။ 

အဖမ်းခံရတဲ့သူတွေကတော့ ၉ တန်းကျောင်းသား မြင့်မြတ်ကျော်၊ အောင်ကျော်သူ (၁၈ နှစ်)၊ ကိုလှမိုး (၃၀ နှစ်)၊ နန်းဝင်း ခေါ် အာနိုး (၂၄ နှစ်)၊ အောင်ခိုင်စိုး ခေါ်ကုလား (၂၈ နှစ်) တို့ဖြစ်ပါတယ်။

သူတို့သားတွေအား မျက်စိရှေ့ရိုက်နေတာ ပုန်းပြီး ကြည့်နေခဲ့ရတယ်လို့ ဖမ်းဆီးခံရသူတဦးရဲ့ မိခင်ဖြစ်သူက ငိုပြီး ပြောပါတယ်။

1 year Ago
Up