ဥရောပသမဂ္ဂအဖွဲ့ဝင် နိုင်ငံခြားရေးဝန်ကြီးတွေဟာ ဧပြီ ၂၄ ရက်နေ့အတွင်း လူဇင်ဘတ်မြို့မှာ တွေ့ဆုံခဲ့ပါတယ်။
ဒီအစည်းအဝေးအတွင်း ယူကရိန်းစစ်ပွဲ အပါအဝင် ရုရှားကို တိုက်ခိုက်နိုင်ရေးအတွက် နောက်ထပ် လက်နက်ခဲယမ်းတွေ ထောက်ပံ့ပေးဖို့ ယူကရိန်းသမ္မတ ဇလန်းစကီးရဲ့ မေတ္တာရပ်ခံချက်အပေါ်မှာ ဆွေးနွေးသွားမယ်လို့ သိရပါတယ်။
ယူကရိန်းနိုင်ငံရဲ့ နိုင်ငံခြားရေးဝန်ကြီးဖြစ်သူ ဒီမီထရီ ကူလီဘာ အနေနဲ့လည်း ဗီဒီယိုကနေ မိန့်ခွန်း ပြောကြားသွားမယ်လို့ မျှော်မှန်းထားပါတယ်။
လွန်ခဲ့တဲ့နှစ် ဖေဖော်ဝါရီ ၂၄ ရက်မှာ ယူကရိန်းအပေါ် စတင်ကျူးကျော်ခဲ့တဲ့ ရုရှားရဲ့ အထူးစစ်ဆင်ရေးဟာ အနောက်နိုင်ငံတွေရဲ့ ရန်လိုမှုနဲ့ ကျူးကျော်လိုမှုတွေအပေါ် ကာကွယ်နိုင်ဖို့ အတွက်မလွှဲမရှောင်သာ လုပ်ဆောင်ခဲ့ရတာလို့ ဆိုပါတယ်။
ယူကရိန်းနဲ့ အနောက်မဟာမိတ်နိုင်ငံတွေကတော့ ရုရှားဟာ နယ်မြေ သိမ်းပိုက်လိုတဲ့ ရည်ရွယ်ချက်နဲ့အတူ အကြောင်းအရင်းမဲ့တဲ့ စစ်ပွဲတစ်ခုကို ဆင်နွှဲနေတာသာ ဖြစ်ကြောင်း ပြန်လည် တုံ့ပြန်ထားပါတယ်။
