အမေရိကန်ပြည်ထောင်စု၊ မက်ဆာချူးဆက်ပြည်နယ်ရှိ ဝီလ်စလေ အမျိုးသမီးကောလိပ်ကျောင်းမှာ လိင်ပြောင်းထားတဲ့ အမျိုးသားတွေကို လက်ခံဖို့ မတ်လ ၁၄ ရက်က လူထုဆန္ဒကောက်ခံပွဲ ပြုလုပ်ခဲ့ကြပြီး အတိုက်အခံတွေကတော့ ကျောင်းရဲ့တာဝန်ဟာ အမျိုးသမီးတွေကို ပညာပေးဖို့ ဖြစ်တယ်လို့ ဆိုပါတယ်။

ထောက်ခံသူတွေကတော့ အမျိုးသမီးကောလိပ်တွေဟာ ကျား မ ခွဲခြားဆက်ဆံခံရမှု ကြုံတွေ့နေရသူတွေအတွက် လုံခြုံတဲ့နေရာဖြစ်ပြီး နိုင်ငံအနှံ့ လိင်ပြောင်းထားတဲ့ အမျိုးသားတွေနဲ့ ပေါင်းစည်းမဟုတ်တဲ့ လျှောက်ထားသူတွေကို လက်ခံသင့်တယ်လို့ ဆိုပါတယ်။

ဆန္ဒခံယူပွဲ ဆန့်ကျင်သူတွေကတော့ လိင်ပြောင်းအမျိုးသားတွေနဲ့ ပေါင်းစည်းမဟုတ်တဲ့ ကျောင်းသားတွေကို လက်ခံရင် ဝီလ်စလေဟာ ထိရောက်တဲ့ ကျားမအတူ သင်ကြားတဲ့ကျောင်း ဖြစ်လာမယ်လို့ ပြောပါတယ်။

ဝီလ်စလေကောလိပ်ရဲ့ ဥက္ကဋ္ဌ ပေါ်လာဂျွန်ဆင်က အမျိုးသမီးတွေ ပညာတတ်မြောက်ဖို့ ဝီလ်စလေရဲ့ တည်ထောင်ခြင်းမစ်ရှင်ကို ပြန်လည်ပြုပြင်ရေးသားမယ်လို့ ပြောကြားခဲ့ပြီး မဲခွဲဆုံးဖြတ်ပြီးနောက် ပြောရေးဆိုခွင့်ရှိသူကတော့ “ကောလိပ်ဟာ လိင်ပြောင်းထားတဲ့ အမျိုးသားတွေနဲ့ ပေါင်းစည်းမဟုတ်တဲ့ ကျောင်းသားတွေ အပါအဝင် လျှောက်ထားသူ အားလုံးကို ချိတ်ဆက်ဆောင်ရွက်သွားမှာဖြစ်ပြီး လူတိုင်းပါဝင်နိုင်တဲ့ ပညာရပ်ဆိုင်ရာ အသိုင်းအဝိုင်းတခု တည်ဆောက်နိုင်ဖို့ အရေးကြီးတဲ့ လုပ်ငန်းတွေကိုလည်း ဆက်လက်ပါဝင် ဆောင်ရွက်သွားမယ်” လို့ ထုတ်ပြန်ထားပါတယ်။

ဝီလ်စလေကောလိပ်ဟာ “ကမ္ဘာကြီးမှာ ခြားနားမှုတခုကို ဖန်တီးပေးမယ့် အမျိုးသမီးတွေအတွက် နေရာတခု” လို့ ဂုဏ်ယူစွာ ကြေညာခဲ့ပြီး အမေရိကန်နိုင်ငံခြားရေးဝန်ကြီးဟောင်း ဟီလာရီကလင်တန်၊ မက်ဒလင်း အောလ်ဘရိုက်နဲ့ နိုရာ အက်ဖ်ရွန်တို့ အပါအဝင် ထင်ရှားကျော်ကြားတဲ့ ကျောင်းသားဟောင်းများစွာ ထွက်ပေါ်ခဲ့ပါတယ်။

Source - The New York Times

ရုရှားက ကျူး​ကျော် သိမ်းပိုက်ထားပြီး လူထုဆန္ဒခံယူပွဲတွေ လုပ်နေတဲ့ ယူကရိန်းဒေသတွေကို ရုရှားအပြည့်အဝ ကာကွယ်သွားမယ်လို့ ရုရှားနိုင်ငံခြားရေးဝန်ကြီး ဆာဂီလာ့ဗ်ရော့ဗ်က စက်တင်ဘာ ၂၄ ရက်မှာ ပြောပါတယ်။

ရုရှားက ပဋိပက္ခတွေ ပိုပြင်းထန်လာအောင် လုပ်နိုင်ပြီး နျူကလီးယား လက်နက်တွေကိုတောင် သုံးလာမှာကို စိုးရိမ်နေကြတာပါ။

အမေရိကန်နိုင်ငံ နယူးယောက်မြို့မှာ ကျင်းပတဲ့ ကုလသမဂ္ဂ အထွေထွေညီလာခံမှာ မိန့်ခွန်း ပြောချိန်မှာ ခုလို ပြောခဲ့တာပါ။

ရုရှားဟာ သူ့ အိမ်နီးချင်းကို ဖေဖော်ဝါရီလ ကျူးကျော်မှုအတွက် အကြောင်းပြဖို့ ကြိုးပမ်းရင်း ရုရှားအစိုးရရဲ့ မဟုတ်မမှန် အခိုင်အမာ ပြောစကားတွေကို ထပ်ပြောခဲ့တယ်လို့ ရိုက်တာ သတင်းမှာ ဖော်ပြပါတယ်။

ယူကရိန်း ရွေးကောက်ခံအစိုးဟာ တရားမ၀င်ဘဲ နာဇီလက်သစ်ဝါဒီတွေနဲ့ ဖွဲ့စည်းထားပြီး နိုင်ငံ အရှေ့ပိုင်းက ရုရှားစကားပြောတဲ့ ပြည်သူတွေကို နှိပ်ကွပ်နေတယ်လို့ လာ့ဗ်ရော့ဗ်က ကုလ အထွေထွေ ညီလာခံနဲ့ ကမ္ဘာ့မီဒီယာတွေကို ထပ်ခါတလဲလဲ ပြောဆိုခဲ့ပါတယ်။

ရုရှားဟာ အင်အားသုံး သိမ်းပိုက်ထားတဲ့ ယူကရိန်းအရှေ့ပိုင်းဒေသ ၄ ခုမှာ စက်တင်ဘာ ၂၃ ရက်က လူထုဆန္ဒခံယူပွဲ လုပ်ခဲ့ပါတယ်။

ဒီပွဲကို အတုအယောင်အဖြစ် အနောက်နိုင်ငံတွေက ပယ်ချခဲ့တာပါ။ ၄ ရက်ကြာ မဲခွဲမှုအတွင်း ဒေသခံတွေဟာ မဲပေးဖို့ အတင်းအကျပ် ဖိအားပေးခံ နေရတယ်လို့ ယူကရိန်းအစိုးရက ပြောပါတယ်။ 

ယူကရိန်းကလည်း ဆန္ဒခံယူပွဲနဲ့ပတ်သက်ပြီး ကုလသမဂ္ဂလုံခြုံရေးကောင်စီမှာ အရေးပေါ် အစည်းအဝေးကို ကျင်းပဖို့ တောင်းဆိုခဲ့ပါတယ်။ 

ရုရှားဟာ ကုလသမဂ္ဂပဋိဉာဉ်ကို ချိုးဖောက်မှု နဲ့ ယူကရိန်းရဲ့ နိုင်ငံတကာ အသိအမှတ်ပြု နယ်နိမိတ်တွေကို ပြောင်းလဲဖို့ နောက်ထပ် ကြိုးပမ်းမှုတွေအတွက် တာဝန်ခံရမယ်လို့ ယူကရိန်း နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အိုလက် နစ်ကိုလန်ကိုက တွစ်တာ လူမှုကွန်ရက်ပေါ်ကနေ ပြောခဲ့ပါတယ်။