ရန်ကုန်တိုင်းဒေသကြီး၊ အင်းစိန်မြို့နယ်၊ မင်းဓမ္မလမ်း၊ သီရိမင်္ဂလာ မဟာသာသနာ့ဗိမ္မန်တော်မှာ ဖေဖော်ဝါရီလ ၁၈ ရက်နေ့က ဇွဲကပင်ဆရာတော် ဘဒန္တကဝိဓဇမဟာထေရ်နဲ့ မစိုးရိမ်တိုက်သစ် ဆရာတော် ဦးဝီရသူတို့ရဲ့ သီရီပျံချီဘွဲ့ ချီးမြှင့်ပွဲ ကျင်းပခဲ့ပါတယ်။ 

ဒီအခမ်းအနားမှာ  ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုဒုတိယဥက္ကဋ္ဌ ဦးမျိုးဇော်သိန်းက ကရင်ပြည်နယ်ဇွဲကပင် ဆရာတော် ဘဒန္တကဝိဓဇမဟာထေရ်ကို သီရိပျံချီဘွဲ့တံဆိပ်တော် ပူဇော်ခဲ့ပြီး စစ်ကောင်စီခန့် ရန်ကုန်တိုင်းဒေသကြီး အစိုးရအဖွဲ့လူမှုရေးဝန်ကြီးက မန္တလေးမြို့၊ မစိုးရိမ်တိုက်သစ်၊ ဆရာတော် အရှင်ဝီရသူကို သီရိပျံချီဘွဲ့တံဆိပ်တော်ကို ဆက်ကပ်ခဲ့တယ်လို့ ပြည်ခိုင်ဖြိုးပါတီက ထုတ်ပြန်ထားပါတယ်။

ချီးမြှင့်ခံရတဲ့ ဆရာတော်တွေကို ကြံ့ခိုင်ရေးပါတီက ကျပ်သိန်း ၃၀ လှူဒါန်းခဲ့ပြီး အမျိုးဘာသာ၊ သာသနာစောင့်ရှောက်ရေးအသင်းအဖွဲ့များ၊ အမျိုးသားရေးအဖွဲ့တွေက အလှူငွေ ကျပ်သိန်း ၇၀၀ ကျော် လှူဒါန်းခဲ့တယ်လို့ ဖော်ပြထားပါတယ်။

ဦးဝီရသူဟာ ၂၀၁၉ ခုနှစ်အတွင်းက ရန်ကုန်မြို့တော်ခန်းမအနီးမှာ အမျိုးသားဒီမိုကရေစီအဖွဲ့ချုပ် (NLD) အစိုးရကို ကြမ်းတမ်းတဲ့ စကားလုံးတွေနဲ့ တိုက်ခိုက်ဟောပြောခဲ့တာကြောင့် နိုင်ငံတော်အကြည်ညိုပျက်စေမှုပုဒ်မ ၁၂၄-ကနဲ့ ၂၀၁၉ မှာ အမှုဖွင့်ခံခဲ့ရပြီး တနှစ်ဝန်းကျင်လောက် ထွက်ပြေးတိမ်းရှောင်ခဲ့ပါတယ်။ 

သူဟာ ၂၀၂၀ ရွေးကောက်ပွဲ ကျင်းပဖို့ ရက်ပိုင်းအလိုမှာ လာရောက် အဖမ်းခံခဲ့တာဖြစ်ပြီး စစ်ကောင်စီက အရပ်သားအစိုးရကို ဖမ်းဆီးကာ နိုင်ငံတော် အာဏာသိမ်းယူပြီးနောက် ၇ လအကြာ ၂၀၂၂ နိုဝင်ဘာလမှာ ပြန်လွှတ်ပေးခဲ့တာပါ။

ဒါ့အပြင် ၂၀၁၅ ခုနှစ်တုန်းက ကုလသမဂ္ဂ လူ့အခွင့်အရေးဆိုင်ရာ အထူးစုံစမ်း စစ်ဆေးရေးမှူး မစ္စ ယန်ဟီလီကိုလည်း အရှင် ဝီရသူက ရုန့်ရင်း ကြမ်းတမ်းတဲ့ အသုံးအနှုန်းတွေနဲ့ ပြောဆိုခဲ့ဖူးပါတယ်။ 

ကုလသမဂ္ဂ အရာရှိအပေါ် ရုန့်ရင်း ကြမ်းတမ်းတဲ့ ပုဂ္ဂိုလ်ရေး တိုက်ခိုက်မှု အပါအဝင် အမုန်းတရား ဖြန့်ဝေတဲ့ တခြားလှုံ့ဆော်မှု မှန်သမျှကိုလည်း အရေးယူပိတ်ပင်ဖို့ မြန်မာနိုင်ငံ အတွင်းက ဘာသာရေးနဲ့ နိုင်ငံရေး ခေါင်းဆောင်တွေကို ကုလသမဂ္ဂ လူ့အခွင့်အရေးဆိုင်ရာ ကော်မရှင်နာ မင်းကြီးက တောင်းဆိုခဲ့ဖူးပါတယ်။

ဧရာဝတီတိုင်းမှာ ဝန်ကြီးတွေကို အကျယ်ချုပ်ထားရှိပြီး လွှတ်တော်ကိုယ်စားလှယ် ၁၀ ယောက်ကျော် အမှုဖွင့်ခံထားရတယ်လို့ သိရပါတယ်။

ဖေဖော်ဝါရီ ၁ ရက်နေ့က နိုင်ငံတော်သမ္မတနဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို စစ်တပ်က ဖမ်းဆီးခဲ့သလို တိုင်းနဲ့ ပြည်နယ်အလိုက် ဝန်ကြီးချုပ်တွေနဲ့ ဝန်ကြီးတွေပါ ဖမ်းဆီးခဲ့တာပါ။

ဧရာဝတီတိုင်းက ဝန်ကြီးချုပ်နဲ့ ဝန်ကြီးတွေကို ဖမ်းဆီးပြီး တပ်ထဲကိုခေါ်ဆောင်သွားကာ စစ်ဆေးမေးမြန်းတာတွေပြုလုပ်ပြီး ဝန်ကြီး များအိမ်ရာထဲမှာ အကျယ်ချုပ်ထားရှိခဲ့တယ်လို့ လွှတ်တော်ကိုယ်စားလှယ်တဦးက DVB ကို ​ပြောပါတယ်။

"စဖမ်းတုန်းက ဘယ်ကိုခေါ်သွားတယ်ဆိုတာ မသိရဘူး၊ ၄ ရက်လောက်ကြာတော့ ဝန်ကြီးအိမ်ရာထဲပြန်ပို့တယ်၊ ဒါပေမယ့် ဝန်ကြီးချုပ်နဲ့ လူမှုရေးဝန်ကြီးကိုတော့ နောက်တစ်ခါပြန်ဖမ်းသွားတယ်။ ဘယ်ကိုခေါ်သွားတယ်ဆိုတာ မသိရဘူး၊ ကျန်တဲ့ ဝန်ကြီးတွေလည်း အကျယ်ချုပ်ဆိုပေမယ့် ဆက်သွယ်လို့ မရဘူး''လို့ ပြောပါတယ်။

နောက်တစ်ကြိမ်ထပ်မံဖမ်းဆီးခံလိုက်ရတဲ့ ဝန်ကြီးချုပ် ဦးလှမိုး အောင်နဲ့ လူမှုရေးဝန်ကြီးဒေါက်တာ လှမြတ်သွေးတို့ကို ဘယ်နေရာကိုခေါ်ဆောင်သွားတယ်ဆိုတာ မသိရသေးပေမယ့် လူမှုရေး ဝန်ကြီးကတော့ ရဲစခန်းမှာ အမှုဖွင့်ခံထားရပြီး ကျန်တဲ့ ဝန်ကြီး ၅ ဦးကိုတော့ အကျယ်ချုပ်ခံထားရတယ်လို့ ဆိုပါတယ်။

ဝန်ကြီးများအိမ်ရာမှာ အကျယ်ချုပ်ထိန်းသိမ်းခံထားရတဲ့ ဝန်ကြီးတွေကတော့ စက်မှုလက်မှု၊ လျှပ်စစ်နှင့် လမ်းပန်းဆက်သွယ်ရေးဝန်ကြီး၊ ကရင်တိုင်ရင်းသားရေးရာဝန်ကြီး၊ စီမံကိန်းနှင့် ဘဏ္ဍာရေးဝန်ကြီး၊ စိုက်ပျိုးရေး၊ မွေးမြူးရေး သစ်တောနှင့် သဘာဝပတ်ဝန်းကျင်ထိန်းသိမ်းရေးဝန်ကြီးနှင့် လူဝင်မှုကြီးကြပ်ရေးနှင့် လူ့စွမ်းအားအရင်းမြစ်ဝန်ကြီးတို့ဖြစ်တယ်လို့ သိရပါတယ်။

လူမှုဝန်ကြီး ဒေါက်တာ လှမြတ်သွေးကို သဘာဝဘေးဆိုင်ရာ ပုဒ်မ နဲ့ အမှုဖွင့်ထားသလို တိုင်းဒေသကြီးလွှတ်တော်ကိုယ်စားလှယ် ၁၀ ယောက်ကျော်ကိုလည်း အဲ့ဒီဥပဒေနဲ့ပဲ သက်ဆိုင်ရာမြို့နယ်အလိုက် ရဲစခန်းတွေမှာ အမှုဖွင့်ခံထားရလို့ တိမ်းရှောင်နေရတယ်လို့ ကိုယ်စားလှယ်တွေက ပြောပါတယ်။

စစ်တပ်ရဲ ဖမ်းဆီးထိန်းသိမ်းခံရပြီး ပြန်လည်းလွတ်မြောက်လာတဲ့ လွှတ်တော်ကိုယ်စားလှယ်တွေထဲမှာ စစ်အာဏာရှင်ဆန့်ကျင်ရေး လှုပ်ရှားမှုတွေမှာ ပါဝင်ခဲ့တဲ့ ကိုယ်စားလှယ် ၁၀ ဦးကျော်ကို သဘာဝဘေးဆိုင်ရာဥပဒေနဲ့ အမှုဖွင့်ခံထားရတယ်လို့ ဆိုပါတယ်။

ဧရာဝတီတိုင်းမှာတော့ စစ်တပ်ရဲ့ အာဏာသိမ်းမှုကို ဆန့်ကျင်တဲ့ ဆန္ဒပြတာတွေကို ဖေဖော်ဝါရီလ ၇ ရက်နေ့က စတင်ပြုလုပ်လာ ခဲ့တာဖြစ်ပြီး ဖမ်းဆီးခံရသူ ၁၅ ဦးကျော်နဲ့ အမှုဖွင့်ခံထားရသူ ၃၀ ကျော်ရှိနေပြီလည်း ဖြစ်ပါတယ်။

မင်းထက်မုန်း