မလေးရှားနိုင်ငံ တဝှမ်းလုံးမှာ ရေကြီးနေပြီး လူပေါင်း နှစ်သောင်းတစ်ထောင်ကျော် ဘေးလွတ်ရာ ကယ်တင်ထားရပါတယ်။
ဒီဇင်ဘာ ၁၉ ရက်အထိ လူတွေဟာ အိမ်တွေ၊ ကားတွေထဲမှာ ပိတ်မိနေဆဲဖြစ်လို့ ကယ်ဆယ်ရေး လုပ်ငန်းတွေကို ဆက်လုပ်နေခဲ့ရပါတယ်။
ဒီနှစ် ရေကြီးတာမျိုးကို သူ့ဘဝမှာ တခါမှာ မကြုံဖူးဘူးလို့ ဆာ့အလမ်မြို့မှာ နေတာ အနှစ် ၃၀ လောက်ရှိပြီဖြစ်တဲ့ ရိုကီဒါ ယူဆွဖ်က ပြောပါတယ်။
မိုဟာမက် အာဒစ်ဆိုတဲ့ မြို့ခံကလည်း အစိုးရ တာဝန်ရှိသူတွေရဲ့ နှေးကွေးတဲ့ လုပ်ဆောင်ချက်တွေကို အပြစ်တင်စကား ပြောပါတယ်။
ဒီဇင်ဘာ ၁၈ ရက်နေ့ မိုးအဆက်မပြတ် ရွာသွန်းပြီးနောက် မလေးရှားနိုင်ငံရဲ့ ပြည်နယ် ၇ ခုမှာ ရေကြီးမှုတွေနဲ့ ကြုံနေရတာ ဖြစ်ပါတယ်။
တချို့ ပြည်နယ်တွေမှာ မိုးဆက်ကြီးနိုင်သေးတယ်လို့ မိုးလေဝသဌာနက ခန့်မှန်းထားပါတယ်။
