သြစတြေးလျနိုင်ငံမှာ ပုံစံရေးဆွဲထုတ်လုပ်ပြီး လက်နက်တပ်ဆင်မယ့် မောင်းသူမဲ့ စစ်လေယာဉ်အသစ်ကို BAE Systems Australia နဲ့ တခြား ပြည်တွင်းထုတ်လုပ်သူတွေက ဖေဖော်ဝါရီ ၂၈ ရက်မှာ ထုတ်ဖော်ပြသခဲ့ပါတယ်။

အဗာလွန် လေကြောင်းပြပွဲမှာ မိတ်ဆက်ခဲ့တဲ့ အလျားနဲ့အနံ (၈ ဒသမ ၅ ပေ နဲ့ ၁၄ ဒသမ ၈ ပေ) အသီးသီးရှိတဲ့ စထရစ်ခ်စ် မောင်းသူမဲ့ လေယာဉ်စနစ် (UAS) ဟာ အန္တရာယ်များတဲ့ ပတ်ဝန်းကျင်တွေမှာ စောင့်ကြည့် ကင်းထောက်တာတွေနဲ့ မြေပြင်တိုက်ခိုက်တာတွေကို လုပ်ဆောင်နိုင်မှာပါ။

ဗြိတိန်ရဲ့ အကြီးဆုံးကာကွယ်ရေးကုမ္ပဏီ BAE Systems BAES.L က ရာနှုန်းပြည့်ပိုင်ဆိုင်တဲ့ BAE Systems Australia ရဲ့ အမှုဆောင်အရာရှိချုပ် ဘန် ဟဒ်ဆန်က ရှေ့ပြေးပုံစံကို စလုပ်နေပြီလို့ ပြောပါတယ်။

ဩစတြေးလျနိုင်ငံအနောက်ပိုင်း ပါ့သ်မြို့အခြေစိုက် အင်နိုဗေးရိုနဲ့အတူ တီထွင်ထားတဲ့ စထရစ်ခ်စ် မောင်းသူမဲ့ စစ်လေယာဉ်ဟာ ကီလိုမီတာ ၈၀၀ ကျော် ပျံသန်းရင်း ၃၅၃ ပေါင် အလေးချိန်အထိ သယ်ဆောင်နိုင်ပြီး ဒေါင်လိုက် ဆင်းသက်နိုင်မှာပါ။ သူ့ကို သင်္ဘောပေါ်တင်တဲ့ ကုန်သေတ္တာထဲမှာ သိမ်းဆည်းနိုင်ပါတယ်။

အမေရိကန်နိုင်ငံ တက်ဆပ်ပြည်နယ် ဒါးလက်စ်မြို့မှာကျင်းပတဲ့ ဒုတိယကမ္ဘာစစ် အထိမ်းအမှတ် လေကြောင်းပြပွဲတခုမှာ နိုဝင်ဘာ ၁၂ ရက်က လေယာဉ်နှစ်စင်း တိုက်မိခဲ့တယ်လို့ ပြည်ထောင်စု အဆင့် တာဝန်ရှိသူတွေက ပြောပါတယ်။

ဘိုးရင်း B-17 Flying Fortress ဗုံးကြဲလေယာဉ်နဲ့ Bell P-63 ကင်းကော့ဘရာ တိုက်လေယာဉ်တို့ဟာ ဒါးလက်စ် လေဆိပ်မှာကျင်းပတဲ့ Wings Over Dallas လေကြောင်း ပြပွဲ မှာ မွန်းလွဲ ၁ နာရီ ၂၀ မိနစ်က ပျက်ကျခဲ့တယ်လို့ ပြည်ထောင်စု လေကြောင်းအုပ်ချုပ်ရေးအဖွဲ့ (FAA) က ကြေညာချက် ထုတ်ပြန်ခဲ့ပါတယ်။

လေယာဉ်ပျက်ကျမှုကို အရေးပေါ် ကယ်ဆယ်ရေးသမားတွေက တုံ့ပြန်ခဲ့တယ်လို့ လေဆိပ်အရာ ရှိတွေက တွစ်တာလူမှုကွန်ရက်ပေါ်မှာ ပြောပါတယ်။ 

ဒီပြပွဲကို နိုင်ငံရဲ့ ပထမကမ္ဘာစစ်၊ ဒုတိယကမ္ဘာစစ် လေကြောင်းပြသမှုအဖြစ် ဖော်ပြခဲ့ပါတယ်။

လေယာဉ် နှစ်စင်းပေါ်မှာ လူဘယ်လောက် လိုက်ပါသွားလဲဆိုတာ ရှင်းရှင်းလင်းလင်း မသိရသေးဘူးလို့ FAA က ပြောပါတယ်။

ဆိုရှယ်မီဒီယာမှာ တင်ထားတဲ့ ဗွီဒီယိုဖိုင်တွေထဲမှာ လေယာဉ် နှစ်စင်း တိုက်မိပြီး မကြာမီ မြေပြင်ပေါ် ပျက်ကျလို့ မီးတောက်တွေနဲ့ လောင်ကျွမ်းသွားတာကို တွေ့ရပါတယ်။

FAA နဲ့ အမျိုးသားသယ်ယူပို့ဆောင်မှု ဘေးကင်းရေးဘုတ်အဖွဲ့ (NTSB) တို့က စတငစုံစမ်း စစ်ဆေးခဲ့ပြီး နောက်ဆုံးရ အခြေအနေတွေကို အစီရင်ခံခဲ့တယ်လို့  တာဝန်ရှိသူတွေက ပြောခဲ့ပါတယ်။