ဒီနေ့ ညနေပိုင်းက နေပြည်တော် လယ်ဝေးမြို့နယ်ထဲမှာ လေဆင်နှာမောင်းတိုက်ခတ်လို့ ရွာ ၂ ရွာထိခိုက်ပျက်စီးပြီး လူ ၅ ယောက် သေဆုံးသွားတယ်လို့ ဒေသခံတွေက ပြောပါတယ်။

ကံသာကျေးရွာအုပ်စုက တံတားဦး၊ အောင်မြင်ကုန်းကျေးရွာတို့မှာ ညနေ ၅ နာရီကျော်က လေဆင်နှာမောင်းတိုက်ပြီး မိုးသီးလည်းကြွေတာကြောင့် ရွာလုံးကျွတ်နီးပါးပျက်စီးသွားပါတယ်။

အမျိုးသမီး ၃ ယောက်နဲ့ အမျိုးသား ၂ ယောက် သေဆုံးသွားပြီး ၁ ယောက်ကတော့ ပျောက်ဆုံးနေတယ်လို့ ဆိုပါတယ်။

နှစ်ရွာပေါင်း ဒဏ်ရာရသူ ၇၀ ကျော်ရှိပြီး အိမ်ခြေ ၂၅၀ လောက်ပျက်စီးခဲ့တယ်လို့ ဒေသခံတွေဆီက သိရပါတယ်။

လယ်ဝေးက ခုတင် ၁၀၀ ဆေးရုံမှာ မဆံ့တော့လို့ တချို့လူနာတွေကို နေပြည်တော် ခုတင် ၁၀၀၀ ဆေးရုံကို ပို့ပေးနေရတယ်လို့လည်း ကူညီနေသူတွေက ပြောပါတယ်။

လက်ရှိအချိန်ထိ ကယ်ဆယ်ရေးလုပ်ငန်းတွေ လုပ်နေကြရပြီး အသေးစိတ် အခြေအနေတွေကိုတော့ မသိရသေးပါဘူး။

အီတလီနိုင်ငံ၊ ပန်တယ်လဲရီယားကျွန်းငယ်မှာ  ကမ်းရိုးတန်းတလျှောက်ကို ရှားရှားပါးပါး လေဆင်နှာမောင်း တိုက်ခတ်လို့ လူ နှစ်ယောက်  သေဆုံးပြီး ကိုးယောက် ဒဏ်ရာရရှိခဲ့ပါတယ်။

လေပြင်းမုန်တိုင်းကြောင့် ကားတွေ လွင့်စင်သွားပြီး ကမ်းရိုးတန်းလမ်းတွေပေါ် မိုးသည်းထန်စွာ ရွာသွန်းခဲ့တာကြောင့် ကားတွေ ပက်လက်လန်ပြီး ပြောင်းပြန်မှောက်နေပုံတွေနဲ့ ထိခိုက်ပျက်စီးနေတဲ့ အဆောက်အအုံတွေကို ရိုက်ကူးထားတဲ့ပုံတွေကို ဒေသခံတဦးက ဗီဒီယို ဖြန့်ချိထားပါတယ်။ 

လေဆင်နှာမောင်း တိုက်ခတ်မှုကြောင့် တာဝန်ပြီးဆုံးလို့ ပြန်လာတဲ့ မီးသတ်သမား တယောက် သေဆုံးပါတယ်။ 

နာမည်ကြီးခရီးသွားနယ်မြေ စစ္စလီကျွန်းမှာ စက်တင်ဘာ ၁၀ ရက် ညနေက ကားနဲ့ခရီးသွားခဲ့တဲ့ အသက် ၈၆ နှစ်အရွယ် အမျိုးသားတစ်ဦးတို့ သေဆုံးသွားပါတယ်။

စက်တင်ဘာ ၁၁ ရက် စနေနေ့မှာတော့ ကယ်ဆယ်ရေးသမားတွေဟာ ပျောက်ဆုံးနိုင်ခြေ ရှိနေသူတွေကို လိုက်ရှာနေပြီး မုန်တိုင်းကြောင့်ပျက်စီး သွားတဲ့လမ်းတွေကို ပြန်ဖွင့်ဖို့ လုပ်ဆောင်နေပါတယ်။