ယူကရိန်းအရှေ့ပိုင်း ရုရှားထိန်းချုပ်ရာဒေသ ဒန်ညက်စ်မြို့အနီးက မာကီးဗ်ကာ လောင်စာဆီဆိုင်မှာ နိုဝင်ဘာ ၂၁ ရက်က မီးအကြီးအကျယ် လောင်ကျွမ်းခဲ့ပါတယ်။
ပေါက်ကွဲလွယ်တဲ့ အရာဝတ္ထုတခုကြောင့် မီးလောင်ခဲ့တာလို့ စက်တင်ဘာလမှာ ရုရှားနဲ့ တရားဝင် ပေါင်းစည်းထားတဲ့ ဒန်ညက်စ် ပြည်သူ့သမ္မတနိုင်ငံ အရေးပေါ်ဝန်ကြီးဌာနက ဆိုပါတယ်။
မီးလောင်မှုကြောင့် မြေပြင်ပေါ်က ဆီလှောင်ကန် ၃ လုံးနဲ့ လောင်စာဆီတင် ရထားတွဲ ၂ တွဲ ထိခိုက်ပျက်စီးခဲ့ပါတယ်။ အခင်းဖြစ်ပွားတဲ့နေရာကို မီးသတ်ကား အစီး ၂၀ လောက် လာခဲ့ရပေမဲ့ ထိခိုက်သေဆုံးမှု မရှိခဲ့ပါဘူး။
ရုရှားထိန်းချုပ်ထားတဲ့ ဒန်ညက်စ်မြို့အရှေ့ဘက်က မာကီးဗ်ကာဒေသမှာ မကြာသေးမီ သီတင်းပတ်တွေအတွင်း ပစ်ခတ်မှု အပြင်းအထန် ဖြစ်ခဲ့ပါတယ်။ နိုဝင်ဘာ ၄ ရက်က တိုက်ခန်းတခန်းကို ကျည်ဆန်ထိမှန်လို့ လူတဦးထက်မနည်း သေဆုံးခဲ့ပါတယ်။
