တူရကီနိုင်ငံက လျှပ်စစ်ဓာတ်အားပေးသင်္ဘောတွေဟာ ကျူးဘားနိုင်ငံအတွင်း လျှပ်စစ်ဓာတ်အား ပြတ်တောက်မှု လျော့ပါးသက်သာစေရေး ကူညီပေးနေပါတယ်။
၂၀၁၉ မှာ ကျူးဘားအစိုးရနဲ့ တူရကီကုမ္ပဏီ ကာရာဒေနစ်ဇ်ဟိုးဒင်းကုမ္ပဏီတို့ကြား လျှပ်စစ်အတွက် ပိုပူးပေါင်းရေး သဘောတူညီချက်ရအပြီးမှာ ကျူးဘားဟာ တူရကီ လျှပ်စစ်ဖြန့်ဖြူးရေးသင်္ဘော ၄ စင်းကို လုပ်ငန်းဆောင်ရွက်ဖို့ ရလာမှာဖြစ်ပြီး ဒီသင်္ဘောအုပ်စုဟာ ၂၀၂၁ ဒီဇင်ဘာမှာ လုပ်ငန်းစတင်ဖို့ မျှော်လင့်ထားပါတယ်။
ဒီသင်္ဘောတွေကြောင့် လျှပ်စစ်ဖြန့်ဖြူးမှုကို အနှောင့်အယှက် မဖြစ်စေဘဲ ကျူးဘားနိုင်ငံအတွင်း လျှပ်စစ်ဓာတ်အားထုတ်လုပ်ရေးစက်ရုံတွေကို ပြုပြင်ထိန်းသိမ်းနိုင်မယ်လို့ ကျူးဘား စွမ်းအင်နဲ့ သတ္တုတွင်းဝန်ကြီး လီဗန်အာရွန်တေက နိုဝင်ဘာ ၂၉ ရက်မှာ ပြောပါတယ်။
သင်္ဘောတွေကနေ လျှပ်စစ်ထုတ်လုပ်ရောင်းချတဲ့ နေရာမှာ အထူးပြုတဲ့ တူရကီလုပ်ငန်းဖြစ်တဲ့ ကာရာဒေနဇ်ဟိုးဒင်းကုမ္ပဏီဟာ လျှပ်စစ်ဓာတ်အား လုံလောက်အောင် မဖြန့်ဖြူးနိုင်တဲ့ နိုင်ငံပေါင်း ဆယ်နိုင်ငံကျော်ကို လျှပ်စစ်ဓာတ်အား ရောင်းချနေပါတယ်။
