မန္တလေးမြို့၊ ချမ်းအေးသာစံမြို့နယ်၊ လမ်း ၈၀၊ ၂၉ လမ်းနဲ့ လမ်း၃၀ အကြားရှိ ဝိန့်လီရွှေဆိုင် ဓားပြတိုက်ခံရမှု ဒီဇင်ဘာ ၁၈ ရက် ညနေ ၅ နာရီကျော်လောက်က ဖြစ်ပွားခဲ့ပါတယ်။
အမည်မသိ လူ ၄ ယောက်က ဆိုင်ကယ်၂ စီးနဲ့ရောက်လာပြီး သေနတ်ပစ်ဖောက် ခြိမ်းခြောက်ကာ ရွှေထည်ပစ္စည်းတွေ ယူဆောင်သွားတယ်လို့ ကနဦးသိရကာ တန်ဖိုးဘယ်လောက် ပါသွားတယ်ဆိုတာတော့ မသိရသေးပါဘူး။
လက်ရှိမှာတော့ အရပ်ဝတ်ရဲတွေနဲ့ စစ်ကောင်စီတပ်သားတွေရောက်နေပြီး လမ်းပိတ်စစ်ဆေးတာတွေ လုပ်နေတယ်လို့ အနီးပတ်ဝန်းကျင်ရှိ ပြည်သူတယောက်က ပြောပါတယ်။
ဒီဇင်ဘာ ၁၇ ရက် ညနေ ၄ နာရီဝန်းကျင်ကလည်း ချမ်းမြသာစည်မြို့နယ်၊ ၇၃ လမ်းပေါ်ရှိ မင်္ဂလာ မန္တလေးအိမ်ရာဝန်း မြေညီထပ်ရှိ ကုမ္ပဏီတခုမှာ ဓားပြတိုက်မှုဖြစ်ပွားပြီး ကျပ်သိန်း ၃၀၀၀ လောက်ပါသွားတယ်လို့ သိရပါတယ်။
