ရုပ်ရှင်သရုပ်ဆောင် သင်ဇာဝင့်ကျော်ကို အင်းစိန်အကျဥ်းထောင်ရှိ အထူးတရားရုံးကနေ ဒီဇင်ဘာ ၂၃ ရက် ဒီကနေ့ နေ့လယ်ပိုင်းမှာ အီလက်ထရောနစ် ဆက်သွယ်ရေး ဥပဒေ ပုဒ်မ ၃၃ (က)နဲ့ ထောင်ဒဏ် ၅ နှစ်ချလိုက်တယ်လို့ အကျဥ်းဦးစီးဌာနနဲ့ နီးစပ်သူတွေဆီက သိရပါတယ်။
"သတင်းကမှန်ပါတယ်။ ဒီနေ့ပဲ အထူးတရားရုံးကနေ ထောင်ဒဏ် ငါးနှစ်ချလိုက်တာပါ"လို့ အကျဥ်းဦးစီးဌာနနဲ့ နီးစပ်သူ တဦးက ပြောပါတယ်။
သရုပ်ဆောင် မင်းသမီး သင်ဇာဝင့်ကျော်နဲ့ Sexy မော်ဒယ် နန်းမွေစံတို့ကို မြန်မာအမျိုးသမီးများ စောင့်ထိန်းအပ်တဲ့ မြန်မာ့ယဉ်ကျေးမှုကို ထိခိုက်စေတဲ့ လိင်အသားပေးဓာတ်ပုံနဲ့ ဗွီဒီယိုတွေကို လူမှုကွန်ရက်မှာ အခကြေးငွေယူ ဖြန့်ဝေခဲ့မှုနဲ့ စစ်ကောင်စီက စွပ်စွဲပြီး သြဂုတ် ၅ ရက်နေ့က အီလက်ထရောနစ်ဥပဒေနဲ့ အရေးယူခဲ့ကာ အင်းစိန်အကျဉ်းထောင်ကို ပို့ဆောင်ခဲ့တာ ဖြစ်ပါတယ်။
မင်းသမီး သင်ဇာဝင့်ကျော်ဟာ ပြီးခဲ့တဲ့ ဇူလိုင် ၆ ရက်ကလည်း ရှမ်းပြည်တပ်မတော် (SSPP/SSA) ဝမ်ဟိုင်းဌာနချုပ်ကို သွားရောက်ပြီး ဒေသဖွံ့ဖြိုးရေးအတွက် ရုပ်သံရိုက်ကူးပြီး အပြန်မှာ စစ်ကောင်စီတပ်ရဲ့ ဖမ်းဆီးထိန်းသိမ်းတာ ခံခဲ့ရဖူးပါတယ်။
အီလက်ထရောနစ်အက်ဥပဒေပုဒ်မ ၃၃ နဲ့ တရားစွဲဆိုခံ ထားရတဲ့ မော်ဒယ်လ်နန်းမွေးစံကိုလည်း ပြီးခဲ့တဲ့ စက်တင်ဘာ ၂၇ ရက်က ထောင်ဒဏ် ၆နှစ် ချမှတ်ခဲ့ပါတယ်။
သင်ဇာဝင့်ကျော်နဲ့ နန်းမွေစံတို့နှစ်ယောက်ဟာ အာဏာသိမ်းစစ်ကောင်စီဘက်က မရပ်တည်ဘဲ ပြည်သူဘက်က ရပ်တည်ခဲ့လို့ အခုလို အကွက်ချ ဖမ်းဆီးအရေးယူခဲ့တာ ဖြစ်တယ်လို့ အမည်မဖော်လိုသူ အနုပညာရှင်တယောက်က ဒီဗွီဘီကို ပြောဆိုထားဖူးပါတယ်။
ရုပ်ရှင်သရုပ်ဆောင် သင်ဇာဝင့်ကျော်နဲ့ မော်ဒယ် နန်းမွေစံတို့ နှစ်ယောက်ကို စက်တင်ဘာ ၁၄ ရက် မနက်ပိုင်းက မရမ်းကုန်းနဲ့ မြောက်ဒဂုံမြို့နယ် တရားရုံးတွေမှာ ပုဒ်မ ၃၃(က) နဲ့ ရုံးထုတ်စစ်ဆေးခဲ့တယ်လို့ တရားရုံးနဲ့နီးစပ်တဲ့ အသိုင်းအဝိုင်းက သိရပါတယ်။
မရမ်းကုန်းမြို့နယ်တရားရုံးမှာ ဒီကနေ့မနက်ပိုင်းက ရုပ်ရှင်နဲ့ ဗီွဒီယိုသရုပ်ဆောင် သင်ဇာဝင့်ကျော်ကို အီလက်ထရောနစ် ဥပဒေပုဒ်မ ၃၃(က) နဲ့ ရုံးထုတ် ရမန်ယူခဲ့တယ်လို့ ရှေ့နေတယောက်က ပြောပါတယ်။
“သူရော နန်းမွေစံရော ရုံးထုတ်စစ်ဆေးတာ၊ နောက်အပတ်ရုံးချိန်းတွေမှာ အင်းစိန်ထောင်မှာပဲ စစ်မှာ၊ အခုက ရုံးတင်တရားစွဲတာ။”
အလားတူ မြောက်ဒဂုံမြို့နယ် တရားရုံးမှာလည်း ဒီကနေ့မနက်ပိုင်းက မော်ဒယ် နန်းမွေစံကို အီလက်ထရောနစ် ဥပဒေပုဒ်မ ၃၃(က) နဲ့ ရုံးထုတ်စစ်ဆေးခဲ့တယ်လို့ ရှေနေတယောက်က ဒီဗွီဘီကို ပြောပါတယ်။
“စစ်ကြောရေးမှာ စစ်ပြီးလို့ ရုံးတင်တာဖြစ်မယ်။ ပြောရရင် ရမန်လာယူတာ။ ပြီးရင်တော့ အင်းစိန်ထောင်မှာပဲ စစ်မယ်ထင်တယ်။”
သင်ဇာဝင့်ကျော်နဲ့ နန်းမွေစံတို့နှစ်ယောက်ဟာ စစ်ကောင်စီဘက်က မရပ်တည်တာကြောင့် အခုလို အကွက်ချ ဖမ်းဆီးစစ်ဆေးခဲ့တာဖြစ်တယ်လို့ အမည်မဖော်လိုသူ အနုပညာရှင်တယောက်က ဒီဗွီဘီကို ပြောပါတယ်။
“ဖော်ချွတ်တွေဖမ်းကြေးဆို လူမှုကွန်ရက်မှာ အများကြီး။ စစ်တပ်က သူတို့ကို ထောက်ခံအားပေးတာ မလုပ်လို့ ဖမ်းတာ သိသာတယ်။”
သရုပ်ဆောင် မင်းသမီး သင်ဇာဝင့်ကျော်နဲ့ Sexy မော်ဒယ် နန်းမွေစံတို့ကို မြန်မာအမျိုးသမီးများ စောင့်ထိန်းအပ်တဲ့ မြန်မာ့ယဉ်ကျေးမှုကို ထိခိုက်စေတဲ့ လိင်အသားပေးဓာတ်ပုံနဲ့ ဗွီဒီယိုတွေကို လူမှုကွန်ရက်မှာ အခကြေးငွေယူ ဖြန့်ဝေခဲ့မှုနဲ့ စစ်ကောင်စီက စွပ်စွဲပြီး အီလက်ထရောနစ်ဥပဒေနဲ့ အရေးယူခဲ့ကာ အင်းစိန်အကျဉ်းထောင်ကို ပို့ဆောင်ခဲ့တာ ဖြစ်ပါတယ်။
သရုပ်ဆောင် မင်းသမီး သင်ဇာဝင့်ကျော်ဟာ ပြီးခဲ့တဲ့ ဇူလိုင် ၆ ရက်ကလည်း ရှမ်းပြည်တပ်မတော် (SSPP/SSA) ဝမ်ဟိုင်းဌာနချုပ်ကို သွားရောက်ပြီး ဒေသဖွံ့ဖြိုးရေးအတွက် ရုပ်သံရိုက်ကူးပြီး အပြန်မှာ စစ်ကောင်စီတပ်ရဲ့ ဖမ်းဆီးထိန်းသိမ်းတာ ခံခဲ့ရဖူးပါတယ်။
လတ်တလော စစ်ကောင်စီက တရားစွဲဆိုထားတဲ့ အီလက်ထရောနစ် ဆက်သွယ်ဆောင်ရွက်ရေး ဥပဒေပုဒ်မ ၃၃(က) ဟာ ထောင်ဒဏ် ၇ နှစ်အထိ ချမှတ်နိုင်ပါတယ်။
