ကရင်ပြည်နယ် ကြာအင်းဆိပ်ကြီးမြို့နယ် (ဝင်းရော်ဒေသ)မှာ ဝင်းရော်ဒေသလူငယ်တွေစုပေါင်းပြီး ဇွန် ၄ ရက် မနက်ပိုင်းက စစ်အာဏာရှင်ဆန့်ကျင်တော်လှန်တဲ့ သစ်ပင်စိုက်သပိတ်ပြုလုပ်ပြီး ဆန္ဒပြခဲ့ပါတယ်။
အကြမ်းဖက် စစ်ကောင်စီရဲ့ ပစ်ခတ်မှုကြောင့် နွေဦးတော်လှန်ရေးမှာ ကျဆုံးခဲ့တဲ့ ပြည်သူ့ဘက်တော်သားတွေကို ရည်စူးပြီး ဖားပြကျေးရွာနဲ့ ကျုံခဝန်ကျေးရွာကြားမှာ သစ်ပင်စိုက်သပိတ်ပြုလုပ်ခဲ့သလို ကျုံခဝန်ရေတံခွန်မှာ အာဏာရှင်ဆန့်ကျင်တော်လှန်တဲ့ ကြွေးကြော်သံတွေနဲ့ အတူ ဆန္ဒပြခဲ့တာပါ။
