အင်စတာဂရမ်နဲ့ တခြား လူမှုကွန်ရက် မီဒီယာတွေပေါ်မှာ ရုရှားစစ်တပ်နဲ့ ပတ်သက်တဲ့ သတင်းမှားတွေ ဖြန့်ချိတဲ့ လူတွေအတွက် ရုရှားအစိုးရက ရာဇဝတ်မှု သုံးမှုထက်မနည်း ဖွင့်ပြီး အရေးယူလိုက်တယ်လို့ ရုရှားစုံစမ်းစစ်ဆေးရေးကော်မတီက မတ်လ ၁၆ ရက်မှာ ပြောလိုက်ပါတယ်။
ရုရှားစစ်တပ်က တရားမဝင်ဘူးဆိုတဲ့ စကားတွေ၊ သတင်းတုဖြန့်တာတွေကို တားမြစ်ပိတ်ပင်ဖို့ ရည်မှန်းထားတဲ့ အများပြည်သူဆိုင်ရာ လုပ်ဆောင်ချက်တွေကို ရည်ရွယ်တဲ့ ဥပဒေတရပ်ကို ရုရှားလွှတ်တော်က ဒီလအစောပိုင်းမှာ အတည်ပြုခဲ့ပါတယ်။
ရုရှားက ယူကရိန်းနိုင်ငံကို ဖေဖော်ဝါရီ ၂၄ ရက်နေ့က စစ်ရေးအရ ကျူးကျော်ဝင်ရောက်ခဲ့လို့ အမေရိကန် အပါအဝင် ဥရောပနိုင်ငံတချို့က ရုရှားအပေါ် စီးပွားရေးအရ ဒဏ်ခတ်ပိတ်ဆို့ခဲ့သလို ယူကရိန်းကိုလည်း စစ်ရေးအကူအညီ အထောက်အပံ့တွေ ပေးပို့နေပါတယ်။
ရုရှားရဲ့ ကျူးကျော်စစ်ကြောင့် ယူကရိန်းနယ်စပ်တွေ တလွှားကနေ ပြည်သူ ၂ ဒသမ ၈သန်းကျော် ထွက်ပြေးတိမ်းရှောင်နေကြရပါတယ်။