ဧပြီ ၁၇ ရက် နှစ်ဆန်းတစ်ရက်နေ့မှာ ရုပ်ရှင်ရုံတွေ ပြန်ဖွင့်ခဲ့ပေမယ့် ရန်ကုန်ကရုံတွေမှာ ကြည့်ရှုသူ အလွန်နည်းပါးခဲ့ပြီး သမ္မတရုပ်ရှင်ရုံမှာ ပြနေတဲ့ ဝေးဝေးမနေချင်ဘူး ဇာတ်ကားကို ပရိသတ် ၂၀ ဝန်းကျင်သာ ကြည့်ရှုခဲ့တယ်လို့ သွားရောက်ကြည့်ရှု့ခဲ့တဲ့ ပရိသတ်တယောက်က ဒီဗွီဘီကို ပြောပါတယ်။
အဲဒီဇာတ်ကားမှာ လူမင်း၊ နေမင်း၊ ရွှေမှုံရတီ တို့ ပါဝင်သရုပ်ဆောင်ထားကာ တနေ့ကို ပွဲစဉ် ၄ ပွဲ ပြသထားပြီး တပတ် ၁ ကားနှူန်းနဲ့ ၆ ပတ်စာ ဇာတ်ကားတွေကို စစ်ကောင်စီက စီစဉ်ထားပြသနေတာပါ။
ရုပ်ရှင်ရုံတွေကို ကိုဗစ် ပထမလှိုင်းစတင်တဲ့ ၂၀၂၀ မတ်လကစပြီး ပိတ်ထားရာကနေ ဒီနှစ် ဧပြီ ၁၇ ရက်နေ့ ပြန်လည်ဖွင့်လှစ်တာဖြစ်ပါတယ်။
ရုပ်ရှင်ရုံတွေ ပုံမှန်ပြန်ဖွင့်ပေမဲ့ ရုပ်ရှင်ကြည့်ပရိသတ် ဝင်ရောက်မှု ၃ ရာခိုင်နှုန်းသာရှိတဲ့အတွက် ထုတ်လုပ်သူနဲ့ ရုံပိုင်ရှင်တွေ အခက်တွေ့နေကြပါတယ်။
