တောင်အာဖရိက ဘုန်းတော်ကြီး ဒက်စမွန်တူးတူးရဲ့ သီလနဲ့ သတ္တိကို အမြဲတမ်း သတိရနေမယ်လို့ ဈာပနအခမ်းအနား နာယကဆရာတော်ဖြစ်တဲ့ ကိတ်တောင်းမြို့က ဘုန်းတော်ကြီး သာဘိုမက်ဂိုဗိုက မိန့်ကြားပါတယ်။
ဘုန်းတော်ကြီး သာဘိုမက်ဂိုဗိုက “ခရစ္စမတ်နေ့မှာ နောက်ဆုံး စကားပြောခွင့်ရခဲ့တဲ့ ဘုန်းတော်ကြီး မက်ဂိုဗိုက နာကျင်မှု၊ ပျော်ရွှင်မှု၊ ဝမ်းနည်းမှု၊ အရာရာအားလုံးက သံဝေဂရစရာတွေချည်းပါပဲ။ ဘုရားရဲ့ကျေးဇူးတော်ပါပဲ။ အထူးသဖြင့် ဘုန်းတော်ကြီး တူးတူးရဲ့ သီလနဲ့ သတ္တိကိုတော့ အမြဲတမ်း အောက်မေ့သတိရနေမှာပါ” လို့ ပြောပါတယ်။လာမယ့် သောကြာနေ့ ဒီဇင်ဘာ ၃၁ ရက်မှာ ဘုန်းတော်ကြီး တူးတူးရဲ့ ရုပ်ကလာပ်ကို ကြည်ညိုသူတွေ နောက်ဆုံးအနေနဲ့ နှုတ်ဆက်ခွင့်ရမှာဖြစ်ပြီး၊ နှစ်သစ်ကူး ဖြစ်တဲ့ ဇန်နဝါရီလ ၁ ရက်နေ့ကျရင် ဈာပနအခမ်းအနား ပြုလုပ်မှာ ဖြစ်ပါတယ်။
