ရန်ကုန်၊ တောင်ဥက္ကလာပမြို့နယ်၊ သုမင်္ဂလာပန်းခြံအတွင်းမှာ စက်တင်ဘာ ၈ ရက် ဒီကနေ့ညနေ ၃ နာရီဝန်းကျင်လောက်က ဗုံးပေါက်ကွဲမှုဖြစ်ပွားပြီး လူတွေ ထိခိုက်ဒဏ်ရာရတာတော့ မရှိခဲ့ပါဘူး။
“ကျယ်လောင်တဲ့ပေါက်ကွဲသံတွေကြားရတယ်”လို့ အနီးပတ်ဝန်းကျင်မှာ နေထိုင်သူတစ်ဉီးက ပြောပါတယ်။
ပေါက်ကွဲမှုအပြီးမှာ ရဲတပ်ဖွဲ့ဝင်တွေက မာကိုပိုလိုလမ်းကြား ပန်းခြံဝင်ပေါက်အနီးရှိ အမှိုက်ပုံးကိုရှာဖွေခဲ့သလို အနီးအနား ပန်းပင်တွေကြားကိုလည်း ဆက်လက်ရှာဖွေခဲ့ပါတယ်။
