အိန္ဒိယနိုင်ငံမှာ ကယ်ဆယ်ရေးအဖွဲ့တွေဟာ ဇူလိုင် ၂၄ ရက်နေ့မှာ ဒါဇင်နဲ့ချီပြီး နစ်မြုပ်နေတဲ့ အိမ်ပေါင်းများစွာကို ရောက်ရှိဖို့ ရွှံ့နွံထူထူထဲမှာ အပျက်အစီးတွေကြားထဲကနေ ရုန်းကန်နေရပြီး မိုးသည်းထန်စွာရွာသွန်းမှုကြောင့်ဖြစ်ရတဲ့ မြေပြိုမှုနဲ့ မတော်တဆမှုတွေကြောင့် သေဆုံးသူ ၁၂၅ ဦး အထိရှိလာပါတယ်။
မဟာရာရှာတြာပြည်နယ်ဟာ ဆယ်စုနှစ်လေးခုအတွင်း ဇူလိုင်လတိုင်း မိုးအသည်းထန်ဆုံး ရွာလေ့ရှိတယ်လို့ ကျွမ်းကျင်သူတွေကပြောပါတယ်။
ရက်ပေါင်းများစွာကြာအောင် မိုးသည်းထန်စွာ ရွာတာကြောင့် သောင်းနဲ့ချီတဲ့ လူတွေရဲ့ ဘဝတွေကို အကြီးအကျယ် ထိခိုက်နေရပြီး အဓိကမြစ်ကြီးတွေကလည်း မြစ်ကမ်းပါးတွေ ပြိုနိုင်တဲ့ အန္တရာယ်တွေနဲ့ကြုံနေရတာပါ။
အိန္ဒိယအနောက်ဘက်ကမ်းရိုးတန်းတစ်ဝိုက်မှာ မိုးရေချိန် ၂၃ လက်မ ရွာသွန်းတာကြောင့် မိုးများပြီး ရေကာတာတွေကနေ ရေတွေဖောက်ထုတ်ရတာကြောင့် ထိခိုက်နိုင်တဲ့ဒေသတွေက ပြည်သူတွေကိုလည်း အာဏာပိုင်တွေက ဘေးလွတ်ရာ ပြောင်းရွှေ့ခိုင်းနေရပါတယ်။
၂၄ နာရီအတွင်း အမြင့်ဆုံးရွာသွန်းသော မိုးရေချိန် ၆၀ စင်တီမီတာကို မဟာဘဘီရွှာ တောင်ပေါ်စခန်းကနေ မှတ်တမ်းတင်ထားပါတယ်။
လတ်တလောသီတင်းပတ်တွေမှာ တရုတ်နိုင်ငံနဲ့ အနောက်ဥရောပမှာ ရေကြီးမှုတွေနဲ့ မြောက်အမေရိကရှိ အပူလှိုင်းတွေနဲ့ ကမ္ဘာ့နေရာအနှံ့အပြားမှာ ဖြစ်ပွားခဲ့တဲ့ ရာသီဥတုဆိုးဝါးမှုက ရာသီဥတုပြောင်းလဲခြင်းရဲ့ အကျိုးသက်ရောက်မှုနဲ့ပတ်သက်ပြီး စိုးရိမ်မှုအသစ်တွေကို ဖြစ်ပေါ်စေ ပါတယ်။
