အင်္ဂလန်တိုက်စစ်မှူးဟာရီကိန်းရဲ့ခြေစွမ်း အချိန်မရွေးကောင်းမွန်လာနိုင်တယ်လို့ အင်္ဂလန်နဲ့ ဂျာမနီပွဲစဉ်မတိုင်ခင် သတင်းစာရှင်းလင်းပွဲမှာ ဂျာမန်တိုက်စစ်မှူး သောမက်စ်မူလာကပြောပါတယ်။
အင်္ဂလန်တိုက်စစ်မှူးကိန်းဟာ အုပ်စု ၃ ပွဲကစားအပြီးမှာ သွင်းဂိုးမရသေးတဲ့အပြင် ထိရောက်တဲ့ ဂိုးပေါက်ကန်သွင်းချက်ကလည်း ငါးကြိမ်သာရှိခဲ့တာပါ။
ကိန်းအပေါ်ဝေဖန်မှုတွေနဲ့ပတ်သက်ပြီး ဂျာမနီတိုက်စစ်မှူး သောမက်စ်မူလာက ကာကွယ်ခဲ့ပြီး အချိန်မရွေးပြန်ကောင်းလာနိုင်တယ်လို့ ချီးကျူးခဲ့တာပါ။
ထိပ်တန်းတိုက်စစ် မှူးတစ်ယောက်ဟာ စိတ်ရှည်တဲ့နေရာမှာလည်း ကောင်းပြီး အခွင့်အရေးကိုလည်းအမြဲချောင်း နေကြောင်း၊ ပင်နယ်တီစည်းထိပ်မှာ ဘာကြောင့်ရုန်းကန်နေရသလဲဆိုတာကကို သူလည်းနားမလည်နိုင်ကြောင်း မူလာက ကိန်းကို ချီးကျူးခဲ့တာဖြစ်ပါတယ်။
အင်္ဂလန်နဲ့ ဂျာမနီ အသင်းတို့ရဲ့ ၁၆ သင်းအဆင့်ပွဲစဉ်ကို ဇွန် ၂၉ ရက်ည ၁ဝ နာရီခွဲ ယှဉ်ပြိုင်ကစားကြမှာဖြစ်ပါတယ်။