တရုတ်နိုင်ငံ အနောက်မြောက်ပိုင်း၊ ရှင်ကျန်းပြည်နယ်၊ ဝီဂါ ကိုယ်ပိုင်အုပ်ချုပ်ခွင့်ရဒေသက အာရယ်မြို့မှာ ဟက်တာပေါင်း ၃,၃၀၀ လောက်ရှိတဲ့ သဲကန္တာရအတွင်း လေယာဉ်တွေနဲ့ မျိုးစေ့ဘောလုံးတွေကြဲပြီး စိုက်ပျိုးဖို့ ကြိုးစားနေကြပါတယ်။

တရုတ်နိုင်ငံဟာ ဝေဟင်ကနေ သစ်တောပျိုးထောင်ရာမှာ မျိုးစေ့ဘောလုံးတွေကို အမြောက်အမြားသုံးတာ ပထမဆုံးအကြိမ် ဖြစ်ပါတယ်။

အာရယ်မြို့လေဆိပ်မှာ ဝန်ထမ်းတွေဟာ မြေဩစာပြည့်ဝတဲ့ မြေကြီးတွေနဲ့ ပေါင်းစပ်ထားတဲ့ သစ်ပင်မျိုးစေ့တွေကို လေယာဉ်ပေါ်က ကုန်သေတ္တာတွေထဲထည့်ပြီး ချိန်တွယ် သယ်ဆောင်သွားခဲ့တာပါ။

မျိုးစေ့တွေ ရှင်သန်နှုန်းကို မြှင့်တင်ဖို့ အာဏာပိုင်တွေဟာ ရှန်းရှီး သိပ္ပံနဲ့ နည်းပညာ တက္ကသိုလ် အပါအဝင် တက္ကသိုလ်တွေနဲ့ ပူးပေါင်းပြီး အကောင်းဆုံး မျိုးစေ့ကြဲမှုအချိုးကို ဆုံးဖြတ်ဖို့ သဲကန္တာရ ဟက်တာ ၄၀၀ မှာ စမ်းသပ်ခဲ့ပါတယ်။

စီမံကိန်းဒါရိုက်တာ ဝမ်ရှင်းဖန်က “ကျနော်တို့က ကန္တာရအပင်တွေရဲ့ မျိုးစေ့မျိုးစုံကို ကြဲထားတာကြောင့် ရှင်သန်မှုနှုန်းက တရာခိုင်နှုန်းပဲ ရှိတယ်ဆိုရင်တောင် ကျနော်တို့အတွက် ကောင်းမွန်တဲ့ တိုးတက်မှု ဖြစ်မှာပါ” လို့ ပြောပါတယ်။

ခုအကြိမ် စိုက်ပျိုးခဲ့တဲ့ သစ်ပင်မျိုးစိတ်တွေထဲမှာ သဲကန္တာရ မူဝါဒလို ဆားပေါက်နေတဲ့ မြေဆီလွှာမှာ မိုးခေါင်မှုဒဏ်ကို ခံနိုင်ရည်ရှိတဲ့ သစ်ပင်တွေ ပါပါတယ်။

ဒီဇင်ဘာလမကုန်မီ အာရယ်မြို့မှာ သဲကန္တာရ ဟက်တာ ၃၃,၃၀၀ လောက်အတွက် ဝေဟင်ကနေ မျိုးစေ့ဘောလုံးတွေ အပြီးသတ်ကြဲချဖို့ မျှော်လင့်ထားပါတယ်။

လာမယ့်ငါးနှစ်အတွင်း ဒေသန္တရ အာဏာပိုင်တွေဟာ သဲကန္တာရ ဟက်တာ ၂၀,၀၀၀ မှာ သစ်ပင်စိုက်ပျိုးဖို့ ပစ်မှတ်ကို အကောင်အထည်ဖော်နိုင်ရေး ဝေဟင်ကနေ မျိုးစေ့ဘောလုံးတွေ ကြဲချ စိုက်ပျိုးရေး အရှိန်မြှင့်လုပ်ဆောင်ဖို့ စီစဉ်ထားပါတယ်။