စစ်ကိုင်းတိုင်း ကလေးမြို့နယ် တောင်ပိုင်းမှာရှိတဲ့ သံဖိုကျေးရွာကို စစ်ကောင်စီတပ်ဖွဲ့တွေက စစ်ကြောင်းထိုးဝင်ရောက်လာပြီး ဖေဖော်ဝါရီ ၂၃ ရက်နေ့မှာ ကျေးရွာအတွင်းမှာရှိတဲ့ နေအိမ်တွေနဲ့ ဆန်စက်ကို မီးရှို့ဖျက်ဆီးခဲ့ကြတယ်လို့ ဒေသခံတစ်ဦးက ပြောပါတယ်။
အဲဒီလို စစ်ကြောင်းထိုး ဝင်ရောက်လာပြီး ဒေသခံတွေကို ဖမ်းဆီးနှိပ်စက်တာမျိုးတွေ ရှိနေတာကြောင့် ဒေသခံတွေအနေနဲ့ ထွက်ပြေးတိမ်းရှောင်နေကြရတယ်လို့ ဆိုပါတယ်။
ပြီးခဲ့တဲ့ရက်ပိုင်းကလည်း သံဖိုကျေးရွာအနီး ရန်ကြီးအောင်ကျေးရွာအတွင်းမှာ တပ်စွဲထားတဲ့ စစ်ကောင်စီတပ်ဖွဲ့တွေနဲ့ ပြည်သူ့ကာကွယ်ရေးတပ်ဖွဲတွေ တိုက်ပွဲဖြစ်ပွားပြီးနောက် ကျေးရွာအတွင်းမှာရှိတဲ့ နေအိမ် ၈ လုံးကို မီးရှိခဲ့တယ်လို့ သိရပါတယ်။
စစ်ကောင်စီတပ်ဖွဲ့တွေဟာ ကလေးနယ်တောင်ပိုင်းကို ထိုးစစ်ဆင်နေပြီး လမ်းကြောင်းတစ်လျှောက်မှာရှိတဲ့ နေအိမ်တွေကို မီးရှို့ဖျက်ဆီးခဲ့သလို ဒေသခံတွေကို ဖမ်းဆီးနှိပ်စက် သတ်ဖြတ်တာမျိုးတွေရှိနေတယ်လို့ ဒေသခံတွေက ပြောပါတယ်။
