ဧရာဝတီတိုင်း၊ ဟင်္သာတမြို့ EPC ရုံးမှာ အောက်တိုဘာ ၂၈ ရက် ည ၈ နာရီခွဲ ဝန်းကျင်လောက်က ဗုံးပေါက်ကွဲခဲ့တယ်လို့  ဒေသခံတွေထံက သိရှိရပါတယ်။

ဟင်္သာတ EPC ရုံးမှာ အခုရက်ပိုင်း လျှပ်စစ်မီတာခ သွား​ရောက်ပြီး ​ပေး​ဆောင်သူ များ​​နေ​ကြောင်း သိရပြီး ပေါက်ကွဲချိန်ဟာ ညဘက်ဖြစ်တာကြောင့် လူတွေ ထိခိုက်ဒဏ်ရာရတဲ့ သတင်းတော့ မကြားသိရပါပါဘူး။

ဟင်္သာတမြို့ခံတဦးက "လျှပ်စစ်ရုံးဘက် ဗုံးကွဲတယ်ကြားတယ်။ အခုက စစ်တပ်နဲ့ရဲ​ရောက်ပြီးစစ်​ဆေးတာ​တွေလုပ်​နေတယ်"လို့ ပြောပါတယ်။

ဟင်္သာတမြို့နယ်အတွင်းရှိ အကြမ်းဖက်စစ်ကောင်စီလက်အောက်ခံ လျှပ်စစ်ရုံး (EPC)ဟာ ပြည်သူလူထုအား မတရားမီတာခ ဆောင်ခိုင်းတာ၊ မီးဖြတ်တာတွေပြုလုပ်နေတဲ့အတွက် ဗုံး ခွဲတိုက်ခိုက်ခဲ့တာလို့ ဟင်္သာတခရိုင်မြို့ပြ ပြောက်ကျားတပ်(HSGF) ကြေညာပါတယ်။

စစ်ကောင်စီထောက်တိုင်တွေကို တိုက်ခိုက်သွားမှာဖြစ်လို့ ပြည်သူတွေအနေနဲ့  စစ်အုပ်စုနဲ့ နီးစပ်ရာနေရာတွေကို မသွားလာကြဖို့လည်း  မေတ္တာရပ်ခံထား​ပါတယ်။

ဧရာ၀တီတိုင်း​မှာ ပြည်သူ့ကာကွယ်ရေးတပ်တွေက  စစ်ကောင်စီရဲ့ ရဲနဲ့ စစ်တပ်လှည့်ကင်းကားတွေကို တိုက်ခိုက်တာ၊ သတင်းပေးဒလန်တွေကို ရှင်းလင်းတာနဲ့ စစ်တပ်ပိုင် Mytel တာ​ဝါတိုင်တွေ ဗုံးခွဲတိုက်ခိုက်တာတွေကို တိုးမြင့် လုပ်​ဆောင် နေတယ်လို့ သိရပါတယ်။