close

ဟမ်းဘာ့ဂ်မြို့

close

March 10, 2023

ဂျာမနီ၊ ဟမ်းဘာ့ဂ်မြို့ ဘုရားကျောင်းတွင် ပစ်ခတ်မှုဖြစ်ပြီး လူအများအပြားသေဆုံး ဒဏ်ရာရ

ဂျာမနီနိုင်ငံမြောက်ပိုင်းရှိ ဟမ်းဘာ့ဂ်မြို့က ယေဟောဝါ သက်သေခံ ဘုရားရှိခိုးကျောင်းမှာ ပစ်ခတ်မှုတခု ဖြစ်ပွားခဲ့ပြီး လူအများအပြားသေဆုံး သို့မဟုတ် ပြင်းထန်စွာ ဒဏ်ရာရရှိခဲ့ကြောင်း ရဲတပ်ဖွဲ့က မတ် ၉ ရက်မှာ ပြောပါတယ်။

ဒီတိုက်ခိုက်မှုရဲ့ အကြောင်းရင်းကို ရှင်းရှင်းလင်းလင်း မသိရသေးကြောင်းနဲ့ သေဆုံးသူ ဘယ်လောက်ရှိတယ်ဆိုတာကိုလည်း တိတိကျကျ မသိရသေးဘူးလို့ ဆိုပါတယ်။

Bild သတင်းစာမှာတော့ ပစ်ခတ်မှုကြောင့် အနည်းဆုံး လူ ၇ ဦး သေဆုံးပြီး ၈ ဦး ဒဏ်ရာရရှိကြောင်း ဖော်ပြထားပါတယ်။

ဒေသစံတော်ချိန် ည ၉ နာရီလောက်မှာ အမည်မသိ ကျူးလွန်သူတဦး သို့မဟုတ် အများအပြားက ဘုရားကျောင်းရှိ လူတွေကို သေနတ်နဲ့ပစ်ခတ်ခဲ့တာဖြစ်ကြောင်း ရဲပြောရေးဆိုခွင့်ရှိသူတဦးရဲ့ ပြောကြားချက်ကို ကိုးကားပြီး NDR အသံလွှင့်ရုံက ထုတ်ပြန်ပါတယ်။

ဟမ်းဘာ့ဂ်မြောက်ပိုင်း အာလ်စတယ်ဒေါ့ဖ်ခရိုင်ရှိ ဒေသခံတွေဟာ သူတို့ရဲ့ မိုဘိုင်းလ်ဖုန်းတွေမှာ “အသက်အန္တရာယ်ရှိတဲ့ အခြေအနေ” နဲ့ ပတ်သက်တဲ့ သတိပေးချက်တွေ ရရှိခဲ့ပြီး လမ်းတွေကို ပိတ်ဆို့ထားကြောင်း အခင်းဖြစ်ပွားရာနေရာက သတင်းထောက်တဦးကို ကိုးကားပြီး ဂျာမနီနိုင်ငံ DPA သတင်းဌာနက ပြောပါတယ်။

ရုပ်သံဗွီဒီယိုဖိုင်ထဲမှာ ဒါဇင်နဲ့ချီတဲ့ ရဲကားတွေနဲ့ မီးသတ်ကားတွေက လမ်းမတွေပေါ်မှာ ပိတ်ဆို့ရပ်ထားကြပါတယ်။

2 hours Ago
Up