ရီးရဲလ်မက်ဒရစ်တောင်ပံတိုက်စစ်မှူးအေဒင်ဟာဇက်ဟာ အသင်းနဲ့ စာချုပ်သက်တမ်းကုန်ဆုံး ချိန်မှာ ကစားသမားဘဝကနေ အနားယူဖို့ စဉ်းစားနေတယ်လို့သိရပါတယ်။
ဟာဇက်ဟာ ဘယ်လ်ဂျီယံ အသင်းကနေလည်း အနားယူထားပြီး ရီးရဲလ်နဲ့ စာချုပ်သက်တမ်းကုန်ဆုံးမယ့် ၂၀၂၄ ခုနှစ်မှာ ကစားသမားဘဝကနေ အနားယူဖို့ ပြင်ဆင်နေတာပါ။
အသက်၃၂နှစ်ရှိ ဟာဇက်ကို အမေရိကန်မေဂျာလိဂ်ကလပ်တွေနဲ့ ဆော်ဒီကလပ်တွေကလည်း ကမ်းလှမ်းမှုတွေရှိလာနိုင်ပါတယ်။
ဒါပေမဲ့ ကောင်းမွန်တဲ့ ကမ်းလှမ်းချက်မရှိရင်တော့ အနားယူလိုက်ဖို့ ဟာဇက်က စဉ်းစားထားတယ်လို့သိရပါတယ်။
ဟာဇက်ဟာ အခုနှစ်ဘောလုံးရာသီမှာ ၃၃၇ မိနစ်သာ ကစားခဲ့ရပြီး ခက်ခဲတဲ့ ဘောလုံးရာသီတစ်ခုဖြစ်ပေမဲ့ ထိပ်တန်းအသင်းကြီးမှာကစားနေရတာဖြစ်တယ်လို့ ပြောပါတယ်။ ရီးရဲလ်အသင်းကစားသမားဟောင်းတွေဖြစ်ကြတဲ့ ဂါရတ်ဘေးလ်နဲ့ အိုဇေးလ်တို့ဟာလည်း ကစားသမားဘဝကနေ စောစောစီးစီး အနားယူခဲ့ကြပါတယ်။
ချဲလ်ဆီးအသင်းဟာ ကစားသမားဟောင်းဖြစ်သူ အေဒင်ဟာဇက်က ရီးရဲလ်အသင်းနဲ့အတူ ချန်ပီယံလိဂ်ဆုဖလားရရှိခဲ့တာကြောင့် ပေါင် ၁၅ သန်းရရှိမယ်လို့ သိရပါတယ်။
ချဲလ်ဆီးအသင်းဟာ ၂၀၁၉ ခုနှစ်က ဟာဇက်ကို ရီးရဲလ်မက်ဒရစ်အသင်းဆီ ရောင်းချစဉ်က ချန်ပီယံလိဂ်ဖလားရရှိမယ်ဆိုရင် ပေါင် ၁၅ သန်းပေးချေရမယ်ဆိုတဲ့ အချက်ကို စာချုပ်မှာ ထည့်သွင်းချုပ်ဆိုခဲ့တာပါ။
ဟာဇက်ဟာ အခုနှစ် ချန်ပီယံလိဂ်ပွဲစဉ် ၃ ပွဲမှာ စုစုပေါင်း ၈၃ မိနစ်သာကစားခဲ့ရပြီး ကွာတားဖိုင်နယ်ကနေ ဗိုလ်လုပွဲ အထိ တစ်မိနစ်မှ ကစားခွင့်မရရှိခဲ့ပါဘူး။
သူပွဲထွက်ကစားခဲ့တဲ့ အုပ်စုအဖွင့်ပွဲစဉ်မှာလည်း မော်ဒိုဗာကလပ် ရှရစ်ဖ်ကို ၂ဂိုး ၁ဂိုးနဲ့ရူံးနိမ့်ခဲ့ပြီး အင်တာမီလန်ကိုအနိုင်ရတဲ့ ပွဲစဉ်မှာ ၉ မိနစ်၊ ပီအက်စ်ဂျီကိုရှုံးနိမ့်ခဲ့တဲ့ ၁၆သင်းအဆင့်မှာ ၈ မိနစ်သာ ကစားခွင့်ရခဲ့ပါတယ်။
ဒါပေမဲ့လည်း ချဲလ်ဆီးကနေ ပေါင် ၁၀၃ သန်းနဲ့ ရီးရဲ့လ်အသင်းဆီရောင်းချခဲ့စဉ်က အောင်မြင်မှုအပေါ်မူတည်ပြီး ပေးချေရမယ့်ငွေကြေး ပမာဏတွေ ပါဝင်ခဲ့တာကြောင့် လက်ရှိအချိန်မှာ ပေါင် ၁၅ သန်းအထိ ချဲလ်ဆီးက ရရှိတော့မှာပါ။
အသက် ၃၁ နှစ်ရှိလာတဲ့ ဟာဇက်ဟာ ရီးရဲလ်မက်ဒရစ်နဲ့ ၃ နှစ်တာကာလအတွင်း ၆၆ ပွဲသာကစား ခဲ့ရပြီး ၆ ဂိုးသာသွင်းယူနိုင်ခဲ့ပါတယ်။
