ဟောင်ကောင်မှာ ရွေးကောက်ပွဲအတွက် ပြင်ဆင်နေတဲ့ ကိုယ်စားလှယ်လောင်း ဂျွန်လီးရဲ့ မဲဆွယ် ယူကျုအကောင့်ကို ဧပြီ ၂၀ ရက်မှာ ပိတ်ပစ်လိုက်ပါတယ်။
မေ ၈ ရက်မှာ ကျင်းပမယ့် ရွေးကောက်ပွဲအတွက် ပြင်ဆင်နေတဲ့ ဟောင်ကောင်ရဲ့ ဒုတိယအမြင့်ဆုံး အရာရှိဟောင်းအပေါ် အမေရိကန်က ဒဏ်ခတ်မှု အစိတ်အပိုင်းလို့ ရိုက်တာသတင်းမှာ ဖော်ပြပါတယ်။
ဂျွန်လီးကတော့ လာမယ့် ငါးနှစ်အတွက် ဟောင်ကောင်ကို ခေါင်းဆောင်မယ့် သူ့ရဲ့ အားထုတ်မှုအပေါ် သက်ရောက်မှာ မဟုတ်ဘူးလို့ ပြောပါတယ်။
"ကျနော့်အပေါ် ဒဏ်ခတ်ပိတ်ဆို့မှုတွေက ကျိုးကြောင်းဆီလျော်မှု မရှိဘူး။ ဒါဟာ ကျနော် တွန့်ဆုတ်သွားအောင် ဖိအားပေးဖို့ ကြိုးစားတဲ့ တမင်သက်သက် ဖိအားပေး အနိုင်ကျင့်တဲ့ ပုံစံတွေပဲ။ ဒါပေမယ့် ကျနော် ထပ်ခါတလဲလဲ အသားပေး ပြောခဲ့သလိုပဲ၊ ဒီလို ကျိုးကြောင်းမဆီလျော်တဲ့ အပြုအမူတွေဟာ ကျနော် မှန်တာလုပ်နေတယ်ဆိုတာ ပိုယုံကြည်စေတယ်" လို့ သူက သတင်းစာရှင်းလင်းပွဲမှာ ပြောပါတယ်။
ယူကျုကိုပိုင်တဲ့ အယ်လ်ဖာဘတ် နိုင်ငံတကာ ကော်ပိုရေးရှင်းကလည်း ဂျွန်လီးရဲ့ မဲဆွယ်တဲ့အကောင့်ကို အမေရိကန်ရဲ့ ဒဏ်ခတ်မှုနဲ့အညီ ပိတ်ချခဲ့ပြီးပြီလို့ ပြောပါတယ်။
ဖေ့စ်ဘွတ်ခ်ကိုပိုင်တဲ့ Meta ပလက်ဖောင်းကတော့ ဂျွန်လီးဟာ ဖေ့စ်ဘွတ်နဲ့ အင်စတာဂရမ်ပေါ်မှာ ငွေနဲ့ပတ်သက်တဲ့ အစိတ်အပိုင်းတွေကို သုံးမရဘဲ ဆက်ရှိနေနိုင်တယ်လို့ ပြောပါတယ်။ ငွေပေးချေမှုဆိုင်ရာ ဝန်ဆောင်မှုတွေကို သုံးမရအောင် ဟန့်တားထားပြီးပြီလို့လည်း ပြောခဲ့ပါတယ်။
ဟောင်ကောင်မှာ အမျိုးသားလုံခြုံရေးဥပဒေကို ကျယ်ကျယ်ပြန့်ပြန့် ပြဋ္ဌာန်းပြီးနောက်ပိုင်း ပထမဆုံးအကြိမ် ဥပဒေပြုကောင်စီအတွက် ရွေးကောက်ပွဲတွေကို ဒီဇင်ဘာ ၁၉ ရက်မှာ ကျင်းပတော့မှာဖြစ်ပါတယ်။
ဒီရွေးကောက်ပွဲတွေဟာ မြို့တော်ရဲ့ ရွေးကောက်ပွဲစနစ်မှာ အငြင်းပွားစရာ လှုပ်ခတ်မှုတခုလည်း ဖြစ်ပါတယ်။
တရုတ်အစိုးရဟာ မတ်လတုန်းက ယခင်ဗြိတိသျှကိုလိုနီဟောင်း ဟောင်ကောင်ရဲ့ ရွေးကောက်ပွဲ စနစ်ကို ကျယ်ကျယ်ပြန့်ပြန့် ပြောင်းလဲမှုတွေရှိကြောင်း ကြေညာခဲ့ပြီး ဟောင်ကောင်ရဲ့တိုက်ရိုက် ရွေးကောက်တင်မြှောက်ခံ ကိုယ်စားလှယ်ဦးရေကို လျှော့ချပြီးတော့ တိုးချဲ့လွှတ်တော်မှာ ပေကျင်းက အတည်ပြုထားတဲ့ အရာရှိအရေအတွက်ကို တိုးမြှင့်ခဲ့တာပါ။
ကိုရိုနာဗိုင်းရပ်ကြောင့် တစ်နှစ်ကျော် ရွှေ့ဆိုင်းခဲ့တဲ့ ရွေးကောက်ပွဲမှာ ကိုယ်စားလှယ်လောင်းတွေကို မျိုးချစ်စိတ်နဲ့လည်း တိုင်းတာစစ်ဆေးခဲ့ပါတယ်။
ရွေးကောက်ပွဲစနစ် ပြောင်းလဲခြင်းရဲ့ရည်ရွယ်ချက်က မျိုးချစ်စိတ်ရှိသူတွေက ဟောင်ကောင်ကို အုပ်ချုပ်စေဖို့ဖြစ်တယ်လို့ ဟောင်ကောင်အကြီးအကဲ ကယ်ရီလမ်က စက်တင်ဘာလမှာ ပြောကြားခဲ့ပါတယ်။
အခုနှစ် ရွေးကောက်ပွဲဟာ ဟောင်ကောင်ရဲ့ ထင်ရှားကျော်ကြားသော ဒီမိုကရေစီရေး လှုပ်ရှားသူ တွေနဲ့ နိုင်ငံရေးသမားတွေကို အကြီးအကျယ် ဖမ်းဆီးထားပြီးတဲ့ အခြေအနေအောက်မှာ ကျင်းပမှာဖြစ်ပါတယ်။
ဇန်နဝါရီ ၆ ရက်က အတိုက်အခံနိုင်ငံရေးသမား စုစုပေါင်း ၄၇ ဦးကို ဖမ်းဆီးခဲ့ပြီးနောက်ပိုင်း ထောင်ဒဏ် တစ်သက်တစ်ကျွန်းအထိ အပြစ်ပေးနိုင်တဲ့ အမျိုးသားလုံခြုံရေး ဥပဒေအောက်မှာ တရားစွဲဆိုထားပါတယ်။
အဲ့ဒီဥပဒေအရ ပေကျင်းအစိုးရက ကြိုက်သလို ပြစ်မှုသတ်မှတ်နိုင်တဲ့ အဖျက်အမှောင့်၊ ခွဲထွက်ရေး၊ အကြမ်းဖက်ဝါဒ သို့မဟုတ် ပြည်ပတပ်ဖွဲ့တွေနဲ့ ပူးပေါင်းဆောင်ရွက်မှု စသဖြင့် စွဲချက်တွေ ပါရှိပါတယ်။
