အမေရိကန်အစိုးရဟာ ဟွန်ဒူးရပ်စ် သမ္မတဟောင်း ဟွမ်အော်လန်ဒိုဟာနန်ဒက်ဇ်ကို မူးယစ်ဆေးဝါးတွေ လက်နက်တွေနဲ့ ပတ်သက်တဲ့ ရာဇဝတ်မှုတွေနဲ့ တရားစွဲလိုက်ပါတယ်။
ဟာနန်ဒက်ဇ်ကို ဧပြီ ၂၁ ရက် အမေရိကန်နိုင်ငံဆီ ရာဇဝတ်သားအဖြစ် လွှဲပေးခဲ့ကာ ကိုကင်းတင်သွင်းရာမှာ ပူးပေါင်းပါဝင်မှု၊ လက်နက်ပြစ်မှုတွေနဲ့ ဆက်စပ် စွပ်စွဲထားတယ်လို့ တရားရေးဌာနက ပြောပါတယ်။
၂၀၁၄ ကနေ ၂၀၂၂ ခုနှစ်အထိ ဟွန်ဒူးရပ်စ်နိုင်ငံကို အုပ်ချုပ်ခဲ့တဲ့ ဟာနန်ဒက်ဇ်ဟာ မက္ကဆီကိုနိုင်ငံက မူးယစ်မှောင်ခိုဂိုဏ်းတွေဆီက အမေရိကန်ဒေါ်လာ သန်းချီ လက်ခံ ရယူခဲ့တယ်လို့ ပြည်ထောင်စုရှေ့နေတွေက မန်ဟန်တန်မှာ ပြောပါတယ်။
ဒီရန်ပုံငွေတွေနဲ့ ချမ်းသာအောင်လုပ်ရုံမက သူ့ နိုင်ငံရေးပါတီ မဲဆွယ်ပွဲတွေမှာ သုံးခဲ့တယ်လို့ မီဒီယာတွေက ဖော်ထုတ်ထားပါတယ်။
