စစ်ကိုင်းတိုင်း ခန္တီးမြို့က အခြေခံပညာကျောင်းတွေမှာ ကျောင်းစအပ်လက်ခံတဲ့ မေလ ၂၄ ရက်နေ့ကနေ မေလ ၃၁ ရက် နောက်ဆုံးနေ့အထိ ကျောင်းလာအပ်တဲ့ ကျောင်းသူကျောင်းသား ၂၀၀၀ ကျော်ရှိတယ်လို့ သိရပါတယ်။
အခုခန္တီးမြို့နယ် အခြေခံပညာကျောင်းတွေမှာ သူငယ်တန်းကနေ အထက်တန်းထိ ကျောင်းလာအပ်သူ ၂၀၀၀ ကျော် အမှန်တကယ်ရှိတဲ့ ကျောင်းသားဦးရေရဲ့ ၄ ပုံ ၁ ပုံသာရှိတာ ဖြစ်ပါတယ်။
ခန္တီးတစ်မြို့နယ်လုံးမှာ ကျောင်းသားဦးရေ ၈၀၀၀ ကျော်ရှိတယ်လို့ ခန္တီးမြို့ ပညာရေးဝန်ထမ်းတစ်ဦးက ပြောပါတယ်။
ခန္တီးမြို့မှာ အခြခံပညာကျောင်းပေါင်း ၉၂ ကျောင်းရှိပြီး ဆရာ/ဆရာမတွေနဲ့ ရုံးဝန်းထမ်း ၅၉၁ ယောက်ရှိရာမှာ CDM ပြုလုပ်တဲ့ ဆရာ ဆရာမ ၂၀၀ကျော်ရှိပါတယ်။
