ဂျာမန်ကလပ် ဒေါ့မွန်အသင်းဟာ ကွင်းလယ်လူ ဘယ်လင်ဂမ်ကို ယူရိုသန်း ၁၂၀ (ပေါင် ၁၀၃ သန်း) ရရှိမှပဲ ရောင်းချဖို့ ဆုံးဖြတ်မယ်လို့ သိရပါတယ်။
ဇွန် ၂၉ ရက်ကမှ အသက် ၁၉ နှစ်ပြည့်မြောက်ခဲ့တဲ့ ဘယ်လင်ဂမ်ဟာ အင်္ဂလန်လက်ရွေးစင် ကစားသမားတဦးဖြစ်ပြီး ထွန်းတောက်လာမယ့် ကစားသမားအဖြစ် သတ်မှတ်ခံထားရတာပါ။
ဒေါ့မွန်နဲ့ ၃ နှစ်စာချုပ်သက်တမ်း ကျန်ရှိနေသေးပေမဲ့ လာမယ့်ရာသီမှာ ယူရိုသန်း ၁၂၀ ရရှိမှသာ အသင်းပြောင်းရွှေ့ခွင့်ပြုဖို့ စီစဉ်ထားပါတယ်။
ဘယ်လင်ဂမ်ကိုခေါ်ယူဖို့ လီဗာပူး၊ ရီးရဲလ်မက်ဒရစ်နဲ့ မန်ချက်စတာယူနိုက်တက် အသင်းတွေက စိတ်ဝင်စားနေပါတယ်။
