ဂျာမနီနိုင်ငံ အနောက်တောင်ပိုင်းက ဒါန်းမ်စတဒ်နည်းပညာတက္ကသိုလ်အဖွဲ့ဝင်တွေမှာ အဆိပ်သင့်တဲ့ လက္ခဏာပြခဲ့ပြီးတဲ့နောက် လူသတ်ဖို့ ကြိုးစားမှု ၇ ခုအဖြစ် ဂျာမန်ရဲတွေက စုံစမ်းစစ်ဆေးနေတယ်လို့ မြို့ရဲ့ အစိုးရရှေ့နေချုပ်က သြဂုတ် ၂၄ ရက်မှာ ပြောပါတယ်။
သေစေနိုင်တဲ့ ပစ္စည်းတခုကို စားစရာအတော်များများထဲမှာ တွေ့ခဲ့တဲ့အချက်အပေါ် မူတည်ပြီး စုံစမ်းစစ်ဆေးနေတာလို့ ရှေ့နေချုပ် ရောဘတ်ဟာ့တ်မဲန်းက သတင်းထောက်တွေကို ပြောပါတယ်။
Materials and Earth Sciences ဌာနက စားစရာတွေနဲ့ ရေဘူးတွေကို နည်းပညာတက္ကသိုလ် အဖွဲ့ဝင်အားလုံး မထိကြဖို့ သတိပေးထားတဲ့ စာတွေကိုလည်း တက္ကသိုလ်ပရဝဏ်ထဲက မှန်တံခါးတွေမှာ ကပ်ထားပါတယ်။
“လာမယ့်ရက်တွေအတွင်း တက္ကသိုလ် ပရဝဏ်အတွင်း ရှိနေတဲ့ စားစရာ သောက်စရာတွေကို မစားသောက်ကြဖို့ ကြိုတင်သတိထားတဲ့အနေနဲ့ ကျနော်တို့ သတိပေးပါတယ်ဆိုတဲ့ သတိပေးစာကိုလည်း တွေ့ရပါတယ်။ သြဂုတ် ၂၃ ရက်က တက္ကသိုလ်အတွင်း လူ ၇ ယောက်ဟာ ဆိုးဆိုးရွားရွား အဆိပ်သင့်ခဲ့လို့ မအီမသာဖြစ်ပြီး လက်ချောင်းတွေနဲ့ ခြေထောက်တွေ အရောင်ပြောင်းခဲ့ကြတယ်”လို့ ဒေသခံ မီဒီယာက ပြောပါတယ်။
အသက် ၃၀ အရွယ် ကျောင်းသားအကူတယောက်ကတော့ အစောပိုင်းက အသက်ဘေး ရှိနေပေမဲ့ ခုတော့ တော်တော်သက်သာလာပြီလို့ ဒေသခံ ဟတ်ဆန်ရှောင်ရုပ်သံဌာနက ဖော်ပြထားပါတယ်။
