ပါလက်စတိုင်းကိစ္စနဲ့ ပတ်သက်ပြီး အပြင်းအထန် ငြင်းခုံပြီးတဲ့နောက် အမေရိကန် မဟာမိတ်တွေကြား ဆက်ဆံရေး တိုးတက်ကောင်းမွန်လာသလို ဆယ်စုနှစ်တစ်ခုကျော်အတွင်း ပထမဆုံးအနေနဲ့ အစ္စရေးနိုင်ငံ ဟိုင်ဖာမြို့မှာ တူရကီ စစ်သင်္ဘောတစီး ဆိုက်ကပ်ခဲ့ပါတယ်။
ဖရီးဂိတ်အမျိုးအစား သင်္ဘောခေမားလီးစ်ဟာ မြေထဲပင်လယ်မှာ နေတိုး စစ်ရေးလေ့ကျင့်မှုရဲ့ တစိတ်တပိုင်းအဖြစ် စက်တင်ဘာ ၃ ရက်က အစ္စရေးဆိပ်ကမ်းမှာ ဆိုက်ကပ်ခဲ့တာလို့ တူရကီ အရာရှိတဦးက ပြောပါတယ်။
ဂါဇာကမ်းမြှောင်အား ပိတ်ဆို့ဟန့်တားဖို့ ကြိုးစားတဲ့ ပါလက်စတိုင်း အကူအညီပေးရေးယာဉ်ကို အစ္စရေးက ဝင်ရောက် စီးနင်းမှုကြောင့် တူရကီနဲ့အစ္စရေး ဆက်ဆံရေး ပျက်ပြားခဲ့ပါတယ်။
အဲဒီနောက် ၂၀၁၀ ပြည့်နှစ်နောက်ပိုင်းမှာ တူရကီ ရေတပ်သင်္ဘောတစီး လာရောက်လည်ပတ်မှုက ပထမဆုံးအကြိမ်လို့ ဟိုင်ဖာဆိပ်ကမ်း တာဝန်ရှိသူတဦးက ပြောဆိုခဲ့ပါတယ်။
တူရကီနဲ့အစ္စရေး ဆက်ဆံရေးဆက်ဆံရေးကို ပြုပြင်ပြောင်းလဲဖို့ ကြိုးစားခဲ့ပြီး စွမ်းအင်အတွက် အလားအလာဟာ ပူးပေါင်းဆောင်ရွက်မှုအတွက် အဓိကနယ်ပယ် ဖြစ်လာခဲ့ပါတယ်။
အစ္စရေးနဲ့ တူရကီတို့ဟာ မကြာမီ သံတမန်သစ်တွေ ခန့်အပ်ကြဖို့ မျှော်လင့်ထားပါတယ်။
