ကချင်ပြည်နယ်၊ ဖားကန့်မြို့နယ်၊ ဟောင်ပါးကျေးရွာက အထက်တန်းကျောင်းမှာ ဇွန် ၄ ရက်ည ၇ နှစ်နာရီလောက်က ဗုံး ၄ လုံး ဆက်တိုက်ပေါက်ကွဲခဲ့တယ်လို့ ရွာခံတွေထံကသိရပါတယ်။
ဟောင်ပါးရွာခံတယောက်က “စာသင်ကျောင်းထဲမှာ ဗုံးလေးလုံးကွဲတာ ဟုတ်တယ်။ ဘာတွေဖြစ်သွားလဲဆိုတာ မိုးရွာနေလို့ မသိရသေးဘူး” လို့ ပြောပါတယ်။
ဗုံးပေါက်ကွဲမှုကြောင့် ထိခိုက်ပျက်စီးဆုံးရှုံးမှုအခြေအနေနဲ့ ဗုံးဖောက်ခွဲမှုကို ဘယ်အဖွဲ့က လုပ်ဆောင်ခဲ့တာလဲဆိုတာကိုတော့ မသိရသေးပါဘူး။
ပြီးခဲ့တဲ့ ၂၀၂၁ ခုနှစ်ကလည်း မှော်စီဇာရွာက စာသင်ကျောင်းအနီး ဗုံးပေါက်ကွဲမှုဖြစ်ပွားပြီး လူတချို့ ထိခိုက်ဒဏ်ရာရရှိခဲ့ပါတယ်။
