စပိန်နိုင်ငံမှာ ဇူလိုင် ၈ ရက်ကတည်းက ရိုက်ခတ်ခဲ့တဲ့ အပူလှိုင်းကြောင့် လူပေါင်း ၈၄ ယောက် သေဆုံးခဲ့ကြောင်း စပိန်ကျန်းမာရေးဝန်ကြီးဌာန သုတေသနဌာနက ဇူလိုင် ၁၅ ရက်မှာ ပြောကြားခဲ့ပါတယ်။
ဇူလိုင် ၈ ရက်မှ ၁၀ ရက်အတွင်း အစီရင်ခံ ထုတ်ပြန်ခဲ့တဲ့ သေဆုံးသူအားလုံးဟာ နိုင်ငံအနှံ့အပြား မှာ ၄၀ ဒီဂရီစင်တီဂရိတ်ထက် ကျော်လွန်သော အပူရှိန်ကြောင့် ဖြစ်နိုင်ကြောင်း ဆိုထားပါတယ်။
နိုင်ငံတောင်ပိုင်း နဲ့ အနောက်တောင်ပိုင်း ဒေသတွေမှာ အပူချိန် ၄၅ ဒီဂရီစင်တီဂရိတ်ထက်တောင် မြင့်တက်ခဲ့ပါတယ်။
အပူလှိုင်းဟာ လာမယ့်သီတင်းပတ်အထိ ဆက်ဖြစ်နေဦးမယ်လို့ ခန့်မှန်းရပြီး သေဆုံးသူဦးရေ တိုးလာမှာကို စိုးရိမ်နေရပါတယ်။
ဒေသခံတွေဟာ အပူဒဏ်ကြောင့်သာမက အပိုဘဏ္ဍာရေး ဝန်ထုပ်ဝန်ပိုး ကြောင့်လည်း ဖိအားတွေ ကို ခံစားနေကြရပါတယ်။
အိမ်ထောင်စုအားလုံး လေအေးပေးစက်နဲ့ လျှပ်စစ်ပန်ကာတွေ သုံးတဲ့အခါ မီတာခက အများကြီး တက်လာတယ် လို့ မက်ဒရစ်မြို့ခံ အယ်လ်ဘာတိုက ပြောပါတယ်။
ဒါဟာ စပိန်မှာ တနှစ်တာရဲ့ဒုတိယအကြီးဆုံး အပူလှိုင်းဖြစ်ပါတယ်။
ပထမအကြိမ်က ဇွန် ၁၁ ရက် မှ ၂၀ ရက်အထိ ကြာမြင့်ခဲ့ပြီး တနိုင်ငံလုံးအတိုင်းအတာနဲ့ လူ ၈၂၉ ဦး သေဆုံးခဲ့ကြောင်း ကျန်းမာရေးဝန်ကြီးဌာနကနေ သိရပါတယ်။
အဲဒီအချိန်က အပူချိန်ဟာ ၄၄.၅ ဒီဂရီစင်တီဂရိတ်မှာ အမြင့်ဆုံးဖြစ်ပါတယ်။
အာဏာပိုင်တွေက လူတွေကို ရေများများသောက်ဖို့၊ အလွန်အကျွံ လေ့ကျင့်ခန်းလုပ်ခြင်းကနေ ရှောင်ကြဉ်ပြီး တတ်နိုင်သမျှ အိမ်ထဲမှာနေကြဖို့ အကြံပြုထားပါတယ်။
