မန်ယူအသင်းရဲ့အမာခံကစားသမား ၅ ဦးကို သက်တမ်းတိုးစာချုပ်ချုပ်ဆိုသွားမယ်လို့ နည်းပြတန်ဟတ်ဂ်ကပြောပါတယ်။
ဂိုးသမားဒီဂီယာ၊ နောက်ခံလူတွေဖြစ်ကြတဲ့ ဒါလော့၊ လုခ်ရှော၊ ဖရက်ဒ်နဲ့ ရက်ရှ်ဖို့ဒ်တို့ဟာ ရာသီအကုန်မှာ စာချုပ်သက်တမ်းကုန်ဆုံးတော့မှာပါ။
ဒါပေမဲ့ ယူနိုက်တက်အသင်းက စာချုပ်ပါအချက်အလက်တွေအတိုင်း နောက်ထပ် ၁၂ လ သက်တမ်းတိုး စာချုပ်ချုပ်ဆိုဖို့ စီစဉ်ထားတာပါ။
နည်းပြ တန်ဟတ်ဂ်ကလည်း အတည်ပြုသွားခဲ့ပြီး ကစားသမား ငါးဦးစလုံးကို သက်တမ်းတိုးဖို့ ပြောထားပြီးဖြစ်တယ်လို့ဆိုပါတယ်။
ကစားသမားတွေရဲ့ စိတ်ဆန္ဒကိုလည်း အရေးကြီးပြီး အဆင်မပြေခဲ့ဘူးဆိုရင်တော့ နောက်ထပ် ရွေးချယ်စရာအစီအစဉ်တွေရှိကြောင်း နည်းပြ တန်ဟတ်ဂ်ကပြောခဲ့ပါတယ်။
တိုက်စစ်မှူး ရက်ရှ်ဖို့ဒ်ကိုတော့ ပီအက်စ်ဂျီအသင်းက ခေါ်ယူလိုကြောင်း အသင်းဥက္ကဋ္ဌ အယ်ခါလီဖီက အတည်ပြုထားပါတယ်။
