ဖှိုက်ဇာ နိုင်ငံတကာကော်ပိုရေးရှင်းနဲ့ မာ့ခ်အန်ကို ကုမ္ပဏီတို့က ထုတ်လုပ်တဲ့ ကိုဗစ်-၁၉ ကပ်ရောဂါ ကုသဆေး သောက်ဆေးတွေကို အမေရိကန် အစားအစာနဲ့ ဆေးဝါးစီမံခန့်ခွဲရေး အေဂျင်စီ FDA က ဒီဇင်ဘာ ၂၂ နဲ့ ၂၃ ရက်တွေမှာ ခွင့်ပြုပေးလိုက်ပါတယ်။

မာ့ခ်ကုမ္ပဏီက ဆေးဖြစ်တဲ့ မိုနူပီရာဗီယာဟာ ဖျားနာတဲ့ အစောပိုင်းကာလမှာ ရောဂါအခံရှိတဲ့ လူနာတွေကို လက်တွေ့စမ်းသပ်ချက်အရ ဆေးရုံတင်ကုသနှုန်းနဲ့ သေဆုံးနှုန်း ၃၀ ရာခိုင်နှုန်း လျှော့ချပေးနိုင်တာ တွေ့ရပါတယ်။

ဆိုးရွားပြင်းထန်တဲ့ ရောဂါအခံရှိတဲ့ လူကြီးတွေ၊ ကိုဗစ်-၁၉ ကုသမှု မရနိုင်သူတွေ၊ ဆေးရုံဆေးခန်းမှာ ကုသလို့ မရသူတွေအတွက် ဒီသောက်ဆေးကို သုံးဖို့ FDA က ခွင့်ပြုထား ပါတယ်။

အမေရိကန်အစိုးရဟာ သောက်ဆေးတစုံကို ဒေါ်လာ ၇၀၀ နှုန်းနဲ့ ဆေး ငါးသန်းထိဝယ်ဖို့ ကန်ထရိုက်စာချုပ် ချုပ်ဆိုထားပါတယ်။

မိုနူပီရာဗီယာ သောက်ဆေးဟာ အရိုးနဲ့ အရိုးနုကြီးထွားမှုကို သက်ရောက်စေနိုင်လို့ ဒီဆေးကို အသက် ၁၈ နှစ်အောက် လူနာတွေသုံးဖို့ကိုတော့ ခွင့်ပြုမထားဘူးလို့ FDA က ကြေညာချက် ထုတ်ပြန် ပြောဆိုထားပါတယ်။

ဆေးဝါးထုတ်လုပ်ရေး ထိပ်တန်းကုမ္ပဏီကြီးဖြစ်တဲ့ Pfizer Inc ဟာ လာမယ့်လအတွင်း သူ့ရဲ့ ကိုဗစ်-၁၉ ကာကွယ်ဆေးကို အာနိသင်တိုးမြှင့်ခွင့်ပြုဖို့ အမေရိကန် FDA ကြီးကြပ်သူတွေကို တောင်းဆိုဖို့ စီစဉ်ထားတယ်လို့ ပြောပါတယ်။

ကာကွယ်ဆေးထိုးပြီး ခြောက်လအကြာမှာ ပြန်လည်ကူးစက်ခံရပြီး ပိုမိုကူးစက်နှုန်းမြင့်တဲ့ ဒယ်လ်တာမျိုးကွဲပြန့်ပွားမှုရဲ့ အန္တရာယ်ပိုမိုကြီးမားတဲ့ သက်သေအထောက်အထားတွေအပေါ် အခြေခံပြီး ကုမ္ပဏီရဲ့ ထိပ်တန်းသိပ္ပံပညာရှင်က ပြောလိုက်တာပါ။ 

အစ္စရေးက ကာကွယ်ဆေးရဲ့ထိရောက်မှုကျဆင်းတယ်လို့ မကြာသေးခင်က အစီရင်ခံ ချက်မှာ ဇန်နဝါရီ - ဖေဖော်ဝါရီလတွေမှာ ကာကွယ်ဆေးထိုးခံထားရသောလူတွေ ကူးစက်ခံရတယ်ဆိုတဲ့ အစီရင်ခံချက်က အများဆုံး ဖြစ်နေတယ်လို့ Pfizer ရဲ့ သိပ္ပံဆိုင်ရာ အရာရှိချုပ် Mikael Dolsten ကပြောကြားခဲ့ပါတယ်။ 

ရောဂါကူးစက်မှုနဲ့ လက္ခဏာပြနေတဲ့ရောဂါ ၂ မျိုးလုံးကိုကာကွယ်ရာမှာ ကာကွယ်ဆေးရဲ့ ထိရောက်မှုက ဇွန်လမှာ ၆၄ ရာခိုင်နှုန်းအထိကျဆင်းခဲ့တယ်လို့ နိုင်ငံရဲ့ကျန်းမာရေး၀န်ကြီးဌာနက ပြောကြားခဲ့ပါတယ်။ 

အမေရိကန်ပြည်ထောင်စုမှ Pfizer ရဲ့ ကိုယ်ပိုင်အချက်အလက်တွေဟာ နွေဦးရာသီမှာ ပျံ့နှံ့နေခဲ့တဲ့ မျိုးကွဲတွေနဲ့ပတ်သက်ပြီး ၆ လအကြာမှာ ကာကွယ်ဆေးရဲ့ထိရောက်မှုက တဖြည်းဖြည်း အာနိသင်လျော့ကျ တိုက်စားသွားတာကို ပြနေတယ်လို့လည်း Pfizer ရဲ့ Dolsten က ပြောပါတယ်။ 

အစ္စရေးနဲ့ ဗြိတိန်နိုင်ငံတွေက အချက်အလက်တွေအရ antibody level နိမ့်ကျနေတာ တောင်မှ ကာကွယ်ဆေးဟာ ပြင်းထန်တဲ့ ရောဂါကိုကာကွယ်ဖို့ ၉၅ ရာခိုင်နှုန်းဝန်းကျင်ထိ ကျန်နေသေးတယ်လို့ သူက အလေးထား ပြောဆိုပါတယ်။ 

Pfizer  ကုမ္ပဏီရဲ့ ကိုယ်ပိုင်လေ့လာမှုတွေမှ အစောပိုင်းအချက်အလက်တွေအရ တတိယမြောက် အာနိသင်တိုးမြှင့်ဆေးဟာ ဒုတိယဆေး ထိုးပြီးနောက်မှာ antibody level ဟာ ငါးဆမှ ၁၀ ဆပိုမိုမြင့်မားလာမယ်လို့ ပြနေကြောင်း Dolsten ကပြောကြားပြီးတော့ တတိယဆေးဟာ အလားအလာရှိတဲ့ ကာကွယ်မှုကိုပေးမှာဖြစ်တယ်လို့ အကြံပြုပါတယ်။ 

Pfizer ရဲ့ အစီအစဉ်နဲ့ပတ်သက်ပြီး အမေရိကန် FDA က မှတ်ချက်ပေးဖို့ ငြင်းဆန်ထားပါတယ်။