အီဂျစ်နိုင်ငံ နိုင်ငံတော်ကောင်စီက အမျိုးသမီး ၉၈ ဦးကို တရားသူကြီး ခန့်အပ်ကြောင်း မတ် ၆ ရက်က ကြေညာလိုက်တဲ့အတွက် တရားစီရင်ရေးသမိုင်းမှာ အထင်ကရ မှတ်တိုင်တခု ဖြစ်သွားပါတယ်။
နိုင်ငံတော်ကောင်စီ ဥက္ကဋ္ဌရှေ့မှောက်မှာ အမျိုးသမီးတရားသူကြီးတွေ ကျမ်းကျိန်ခဲ့ကြပါတယ်။
၁၉၃၀ ပြည့်နှစ်တွေကစပြီး အမျိုးသမီးတွေ ဥပဒေပညာသင်ယူခွင့်ပြုခဲ့ပေမဲ့ တရားရေးဌာနထဲ ရာထူးရရှိမှု မရှိခဲ့ဘဲ ၂၀၀၃ ခုနှစ်မှာ အမျိုးသမီး တရားသူကြီးတဦးကို စတင်ခန့်ထားပါတယ်။
ဒီနောက်ပိုင်း တရားရေးနယ်ပယ် ဖွံ့ဖြိုးရေးအတွက် အမျိုးသမီးတွေကို သီးသန့်သင်တန်းတွေ ပေးခဲ့ပြီး ၂၀၁၅ ခုနှစ်မှာ အမျိုးသမီး ၆၇ ဦး တရားသူကြီး ခန့်ထားပါတယ်။
ဒါပေမဲ့ အီဂျစ်တနိုင်ငံလုံးရှိ တရားသူကြီး ၁၂၀၀၀ အနက် ၁ ရာခိုင်နှုန်းအောက်ပဲ ရှိတာပါ။
မနှစ်က အောက်တိုဘာမှာ သမ္မတအမိန့်အရ အမျိုးသမီးများ တရားရေးနယ်ပယ်ထဲ ပိုမိုခန့်ထားဖို့ ထုတ်ပြန်ပြီးနောက် အမျိုးသမီး ၉၈ ဦးကို တပြိုင်တည်း ခန့်အပ်ခဲ့တာပါ။
