အဲဗာတန်အသင်းဟာ နောက်ခံလူ ဒစ်ဂ်နေးကို ဗီလာအသင်းဆီရောင်းချခဲ့ပြီးနောက် ကွင်းလယ်လူ အယ်ဂါဇီကို ပြန်လည်ခေါ်ယူခဲ့ပါတယ်။
အဲဗာတန်အသင်းဟာ ပြင်သစ်နောက်ခံလူ ဒစ်ဂ်နေးကို အက်စ်တွန်ဗီလာအသင်းဆီ ပေါင် ၂၅ သန်းနဲ့ ရောင်းချခဲ့တာပါ။ အဲဒီနောက် ဗီလာအသင်းက ဟော်လန်ကွင်းလယ်လူ အယ်ဂါဇီကို ရာသီဝက်အငှားစာချုပ်နဲ့ပြန်ခေါ်ခဲ့တာဖြစ်ပါတယ်။
အသက် ၂၆ နှစ်ရှိ အယ်လ်ဂါဇီဟာ အဲဗာတန်မှာ ကျောနံပါတ် ၃၄ ဝတ်ဆင်သွားမှာဖြစ်ပြီး အဲဗာတန်လို အသင်းကြီးတစ်သင်းအတွက် ကစားပေးရမှာကို စိတ်လူပ်ရှားမိတယ်လို့ စာချုပ်ချုပ်ဆိုအပြီးမှာ ပြောပါတယ်။
အယ်လ်ဂါဇီဟာ ၂၀၁၈ ခုနှစ်က ပြင်သစ်ကလပ်လိုင်လီကနေ ဗီလာအသင်းဆီအငှားစာချုပ်နဲ့ ပြောင်းရွှေ့ခဲ့ပြီး ဗီလာတန်းတက်လာပြီးနောက် အပြီးသတ်စာချုပ်ချုပ်ဆိုခဲ့တာပါ။
ပရီးမီးယားလိဂ် ၇၁ ပွဲမှာ ၁၅ ဂိုးသွင်းထားတဲ့ အယ်လ်ဂါဇီကို အဲဗာတန်က အငှားစာချုပ်ကုန်ချိန်မှာ အပြီးသတ်ဝယ်ယူနိုင်မယ့် သဘောတူညီချက်တော့ မပါဘူးလို့ သိရပါတယ်။
