close

အရည်အချင်းစစ်  စာမေးပွဲ

close

April 5, 2023

ပုဂ္ဂလိကကျောင်းများမှ အစိုးရကျောင်း ပြောင်းတက်လိုလျှင် အရည်အချင်းစစ်စာမေးပွဲ ဖြေရမည်

နိုင်ငံတကာသင်ရိုးညွှန်းတမ်းနဲ့ သင်ကြားတဲ့ ကျောင်းတွေနဲ့ ပြည်တွင်းပုဂ္ဂလိက အခြေခံပညာကျောင်းတွေကနေ အခြေခံပညာကျောင်းတွေကို တက်ရောက်လိုတဲ့ ကျောင်းသားကျောင်းသူတွေအတွက် အရည်အချင်းစစ်စာမေးပွဲကို လာမယ့်မေလမှာ ကျင်းပမယ်လို့ စစ်ကောင်စီလက်အောက်ခံ ပညာရေးဌာနကနေ သိရပါတယ်။

နိုင်ငံတကာကျောင်း၊ ပြည်တွင်း ပုဂ္ဂလိကကျောင်းတွေကနေ အခြေခံပညာကျောင်းတွေကို တက်ရောက်လိုသူတွေအနေနဲ့ တက်ရောက်သင်ကြားလိုတဲ့ တဆင့်နိမ့်အတန်းကို အရည်အချင်းစစ် စာမေးပွဲ ဝင်ရောက်ဖြေဆိုရမှာဖြစ်ပြီး အခုလ ၇ ရက်နေ့ နောက်ဆုံးထားကာ လျှောက်လွှာတင်သွင်းရမယ်လို့ ပညာရေးဌာနက ဆိုပါတယ်။

အဆိုပါ အရည်အချင်းစစ်စာမေးပွဲကို လျှောက်ထားလိုသူတွေအနေနဲ့ ပညာရေးဌာနက အတန်းအလိုက် သတ်မှတ်ထားတဲ့ သင်ရိုးညွှန်းတမ်းတွေအတိုင်း ဘာသာရပ်တွေကို ဖြေဆိုရမှာဖြစ်ပြီးတော့ ဖြေဆိုလိုတဲ့အတန်းနဲ့ မွေးသက္ကရာဇ် ကိုက်ညီမှုရှိရမယ်လို့ သတ်မှတ်ထားပါတယ်။

အရည်အချင်းစစ်စာမေးပွဲ ဖြေဆိုဖို့ လျှောက်ထားသူတွေအနေနဲ့ သက်ဆိုင်ရာ တိုင်းဒေသကြီး၊ ပြည်နယ်တွေရဲ့ အစီအစဉ်နဲ့ ခရိုင်ရုံးစိုက်ရာမြို့တွေမှာ မေ ၂ ရက်ကနေ ၈ ရက်အထိ ဖြေဆိုဖို့ သတ်မှတ်ထားတယ်လို့ သိရပါတယ်။

အာဏာမသိမ်းခင်က အဲဒီလို ပုဂ္ဂလိကကျောင်းတွေကနေ အစိုးရကျောင်းတွေကို ပြောင်းလဲ တက်ရောက်လိုသူတွေဟာ ရန်ကုန်တိုင်းမှာ တနှစ်ကို ရာဂဏန်းလောက်ရှိပေမဲ့ အခုနှစ်မှာတော့ တနိုင်ငံလုံးအတိုင်းအတာနဲ့ ဘယ်လောက်ရှိမယ် ဆိုတာကိုတော့ အတည်မပြုနိုင်ပါဘူး။

55 seconds Ago

June 27, 2020

အရည်အချင်းစစ်  စာမေးပွဲတိမ်းရှောင်ခဲ့မှုဖြင့် ပါကစ္စတန်လေယာဉ်မှူး ၂၆၂ ဦးကို လိုင်စင်ပိတ်မည်

ပါကစ္စတန်နိုင်ငံမှာ အရည်အချင်းစစ်  စာမေးပွဲတိမ်းရှောင်ခဲ့တယ်လို့ သံသယရှိတဲ့ လေယာဉ်မှူး ၂၆၂ ယောက်ကို  လေယာဉ်မောင်းခွင့် ပိတ်သွားမယ်လို့  လေကြောင်းဝန်ကြီးက ဇွန် ၂၆  ရက်မှာ ပြောပါတယ်။  ၂၀၁၈ နှောင်းပိုင်းက စလို့ လေယာဉ်မှူးတွေနဲ့အရပ်ဘက် လေကြောင်းဝန်ထမ်းတွေ ပေါင်းပြီး စာမေးပွဲ တိမ်းရှောင်တဲ့ ကိစ္စတွေကို စုံစမ်းနေတယ်လို့လည်း  လေကြောင်းဝန်ကြီး ဂူလမ် ဆာဝါခန်းက ပြောပါတယ်။ လေယာဉ်မောင်းခွင့် တားမြစ်ခံရတဲ့  လေယာဉ်မှူးအားလုံးဟာ  သူတို့ကိုယ်စား  တခြားသူတစ်ယောက်ကို စာတမ်းတင်ခိုင်းတာမျိုးနဲ့  တခါတလေမှာ  လေယာဉ်မှူး လိုင်စင်ရဖို့  စုစုပေါင်း  စာတမ်း ၈ စောင်လောက်သာ တင်ရတယ်လို့ ဂူလမ် ဆာဝါခန်းက ဆိုပါတယ်။ ပြီးခဲ့တဲ့လက ကရာချိမြို့ လူနေရပ်ကွက်ပေါ် ပျက်ကျခဲ့တဲ့ လေယာဉ်စုံစမ်းရေးမှာ  လေယာဉ်မှူးတွေက အရေးပေါ်အခြေအနေမှာ လုပ်ရမယ့် လုပ်ငန်းစဉ်တွေကို မလုပ်ဆောင်ဘဲ  သတိပေးချက်တွေကို အလေးမထားတာကြောင့် ခုလို  လုပ်ဆောင်ခဲ့တာပါ။   လူ ၉၉ ယောက် လိုက်ပါလာတဲ့ ပါကစ္စတန် အပြည်ပြည်ဆိုင်ရာ လေကြောင်းလိုင်း (PIA)  ပိုင် ဂျက်လေယာဉ်ဟာ မေလ ၂၂ ရက် ညနေ  ၃ နာရီအချိန်က  ကရာချီမြို့အနီး ဂျင်းနားအပြည်ပြည်ဆိုင်ရာ လေဆိပ်ကိုအဆင်း မိနစ်ပိုင်းအလိုမှာ လူနေရပ်ကွက်တခုပေါ် ပျက်ကျခဲ့ပြီး ၉၇ ဦးသေဆုံးခဲ့တာပါ။ ပျက်ကျမှု ဖြစ်ခဲ့တဲ့  နိုင်ငံပိုင် (PIA) လေကြောင်းလိုင်းက  သံသယဖြစ်ဖွယ် လိုင်စင်ရထားတဲ့ လေယာဉ်မှူးတွေကို လေယာဉ်မောင်းခွင့် ပိတ်သွားမယ်လို့  ဇွန်လ  ၂၅ ရက်က ပြောခဲ့တယ်လို့ ရိုက်တာသတင်းမှာ ဖော်ပြထားပါတယ်။
3 years Ago
Up