ဝက်စ်ဟမ်းအသင်းနဲ့ပွဲစဉ်မှာ အရန်ခုံမှာထိုင်ခဲ့ရပေမယ့် နည်းပြရဲ့ ဆုံးဖြတ်ချက်ကို လက်ခံရမှာဖြစ် ကြောင်း စပါးတိုက်စစ်မှူး ဆွန်ဟောင်မင်က ပြောပါတယ်။

ဆွန်ဟောင်မင်ဟာ ဝက်စ်ဟမ်းကို ၂ ဂိုး ဂိုး မရှိနဲ့ အနိုင်ရခဲ့တဲ့ပွဲစဉ်မှာ ပွဲချိန် ၆၈ မိနစ်ရောက်မှ လူစားဝင်ကစားခဲ့ရပေမယ့် စပါးအသင်းအတွက် ဒုတိယဦးဆောင်ဂိုးသွင်းပေးခဲ့ပါတယ်။

ကစားသမားတိုင်းကအရန်ခုံမှာ ထိုင်ချင်ကြမှာမဟုတ်ပေမဲ့ ဒါမျိုးက လက်ခံရမယ့် ဆုံးဖြတ်ချက်တစ်ခုဖြစ်တယ်လို့ နည်းပြက ဆုံးဖြတ်တာဖြစ်တဲ့အတွက် လက်ခံရ မယ့်တာဝန်ရှိကြောင်း ဆွန်ဟောင်မင်က ပွဲအပြီးမှာပြောပါတယ်။

နည်းပြချုပ် ကွန်တေဟာ  သည်းခြေအိတ် ခွဲစိတ်ကုသခဲ့ရတာကြောင့် ကွင်းထဲကနေ ကြီးကြပ်နိုင်ခြင်းမရှိခဲ့ပါဘူး။

နည်းပြချုပ် ကွင်းဘေးမှာမရှိတဲ့အပေါ် ဝမ်းနည်းရပေမယ့် ကျန်းမာရေးကောင်းနေဖို့က ပိုအရေးကြီးကြောင်းနဲ့ မကြာခင်ပြန်လည် တာဝန်ယူနိုင်တော့မှာဖြစ်ကြောင်း ဆွန်ဟောင်မင်က ပြောသွားပါတယ်။