ယူကရိန်းတောင်ပိုင်း ဇာပိုရစ်ချ်ဇီယာမြို့ ဆင်ခြေဖုံးမှာ အရပ်ဘက်ယာဉ်တန်းကို ရုရှားဒုံးကျည်နဲ့ ပစ်ခတ်ခဲ့လို့ အနည်းဆုံး လူ ၂၃ ယောက် သေဆုံးပြီး ၂၈ ယောက် ဒဏ်ရာရခဲ့တယ်လို့ ဒေသဆိုင်ရာ အုပ်ချုပ်ရေးမှူးက ပြောပါတယ်။
အားလုံး အရပ်သားတွေချည်းပဲလို့ ဇာပိုရစ်ချ်ဇီယာဒေသ အုပ်ချုပ်ရေးမှူး အိုလက်ခ်ဆန်းဒါး စတားရု(က်) က တယ်လီဂရမ်မှာ ရေးသားထားပါတယ်။
ရိုက်တာမျက်မြင်သက်သေတယောက်ကတော့ မြို့တော်ရဲ့ ကျယ်ပြောလှတဲ့ အော်ရ်ခို့ဗို ကားစျေးကွက်နေရာမှာ ရုပ်အလောင်းတွေဟာ မြေပြင်ပေါ်မှာ လဲကျနေတာတွေနဲ့ ကားပေါ်တွေမှာ ရှိနေတာကို တွေ့ခဲ့ရပါတယ်။
ဒုံးကျည်တစင်းကြောင့် ယာဉ်လမ်းကြော ၂ ခုနားက မြေပြင်မှာ တွင်းချိုင့်ကြီး ဖြစ်သွားပါတယ်။ ရဲတွေနဲ့ အရေးပေါ်ဝန်ထမ်းတွေဟာ ဒုံးကျည်ပစ်ခတ်မှု ဖြစ်ပွားရာကို အလျင်အမြန် ရောက်ရှိလာခဲ့ပါတယ်။
မော်တော်ယာဥ်တွေမှာ ခရီးသည်တွေရဲ့ ပစ္စည်းတွေ၊ စောင်တွေ၊ ခရီးဆောင်အိတ်တွေနဲ့ ပြည့်ကျပ်နေပါတယ်။
အထူးစစ်ဆင်ရေးဆိုပြီး ဖေဖော်ဝါရီ ၂၄ ရက်က ယူကရိန်းကို ကျူးကျော်ဝင်ရောက်ခဲ့တဲ့ ရုရှားက အရပ်သားတွေကို တမင်ပစ်မှတ်ထား တိုက်ခိုက်တယ်လို့ ပြောဆိုချက်တွေကို ငြင်းဆိုထားပါတယ်။
