ရှမ်းတော်လှန်ရေးတပ်ဖွဲ့တည်ထောင်ပြီး ပထမဆုံးတော်လှန်ရေးစတင်သူ စဝ်နွဲ့ဆောယန္တရဲ့ အရိုးအိုးဂူသွင်းပြီး အမှတ်တရ စေတီတည်တဲ့အခမ်းအနားကို ဖေဖော်ဝါရီ ၂၆ ရက်က မြန်မာ-ထိုင်း နယ်စပ်ရှိ ကုန်းကျော် ရှမ်းစစ်ဘေးရှောင်စခန်းအနီးမှာ ကျင်းပပါတယ်။
ဒီအခမ်းအနားကို ရှမ်းပြည်ပြန်လည်ထူထောင်ရေးကောင်စီ၊ ရှမ်းပြည်တပ်မတော် (RCSS/SSA) ဥက္ကဋ္ဌ ဗိုလ်ချုပ်ကြီး ယွတ်ဆစ်တက်ရောက်ဖွင့်လှစ်ပေးခဲ့ပြီး သံဃာတော်တွေ၊ စဝ်နွဲ့ရဲ့ မိသားစုဆွေမျိုးတွေနဲ့ ရှမ်းပြည်သူလူထုတွေ တက်ရောက်ခဲ့ပါတယ်။
မိုင်းဝမ်း စော်ဘွားရဲ့သားဖြစ်တဲ့ စဝ်နွဲ့ဆောယန္တဟာ ၁၉၅၈ ခုနှစ်မှ မေလ ၂၁ ရက်မှာ လင်းခေးက လူငယ် ၃၀ ကိုခေါင်းဆောင်ပြီး ရှမ်းပြည်လွတ်လပ်ရေးအတွက် လက်နက်ကိုင်တော်လှန်ရေး စတင်ခဲ့တာဖြစ်ပြီး ၁၉၉၆ ခုနှစ် အသက် ၆၉ နှစ်အရွယ် ထိုင်းနိုင်ငံ ချင်းမိုင်မြို့မှာ ကွယ်လွန်သွားခဲ့ပါတယ်။
