close

အရေးယူခံရမည်

close

November 16, 2021

ချင်းမိုင်တွင် ရွှေ့ပြောင်းလုပ်သားများကို ကိုဗစ်ဆေးထိုးမပေးသည့် အလုပ်ရှင်များ အရေးယူခံရမည်

ထိုင်းမြောက်ပိုင်း ချင်းမိုင်ခရိုင်ထဲမှာ ကိုဗစ်-၁၉ ကူးစက်ခံရသူ နေ့စဉ် ရာနဲ့ချီတွေ့နေရပြီး အများစုမှာ ရွှေ့ပြောင်းအလုပ်သမားတွေဖြစ်ကြတဲ့အတွက် အလုပ်ရှင်တွေအနေနဲ့ အလုပ်သမား တွေကို ၁၄ ရက်အတွင်း ကိုဗစ်-၁၉ ရှိမရှိ စစ်ဆေးဖို့၊ ကိုဗစ် ၁၉ ကာကွယ်ဆေးထိုးနှံဖို့  ခရိုင်ကိုဗစ် ၁၉ အခြေအနေထိန်းချုပ်ကွပ်ကဲရေးကော်မတီက ယမန်နေ့ သတင်းစာရှင်းပွဲမှာ ပြောပါတယ်။ 

 ခရိုင်ပြည်သူ့ကျန်းမာရေးဌာန တာဝန်ရှိသူတွေဟာ ကိုဗစ်-၁၉ ထိန်းချုပ်ကာကွယ်ရေး လုပ်ငန်းအရှိန်မြှင့်တဲ့အနေနဲ့ ပြီးခဲ့တဲ့ နိုဝင်ဘာ ၁၂ မှ ၁၄ ရက်  ချင်းမိုင် အနီရောင်ဇုန်တွေမှာ ATK စနစ်နဲ့ ကိုဗစ်- ၁၉ လိုက်လံစစ်ဆေးရှာဖွေခဲ့ကြပြီး လူပေါင်း ၁၇၅၃ ဦး စစ်ဆေးရာမှာ ၆၉ ဦး ပေါ့စ်တစ်ဖြစ်ပြီး အများစုက ရွှေ့ပြောင်းလုပ်သားတွေလို့ ခရိုင်ကူးစက်ရောဂါထိန်းချုပ်ရေးဦးစီးမှူး ဒေါက်တာ ဆုန်ယုဒ် ခန်းချိုင်းက ပြောပါတယ်။ 

ဒါကြောင့်  နိုဝင်ဘာ ၁၇ ရက်နေ့ကစလို့ ရပ်ကွက် နဲ့ လုပ်ငန်းခွင်၊ ဆောက်လုပ်ရေးလုပ်ငန်း ခွင်တွေမှာ ၁ ပတ်ကနေ ၂ ပတ်ထိ ကွင်းဆင်းစစ်ဆေးဖို့ရှိကြောင်း၊  ကွင်းဆင်းမယ့်အဖွဲ့ပေါင်း ၂၀ ဖွဲ့၊ ကာကွယ်ဆေးထိုးမယ့်အဖွဲ့ ၄ ဖွဲ့ရှိကာ အိမ်တိုင်ရာရောက် တံခါးခေါက်စစ်ဆေးမယ်လို့ ဆိုပါတယ်။ 

အလုပ်ရှင်တွေအနေနဲ့ မိမိအလုပ်သမားအား ကိုဗစ်-၁၉ ပိုးရှိမရှိ စစ်ဆေးတာနဲ့ ကာကွယ်ဆေးထိုးနှံတာ လုပ်ပေးရမှာဖြစ်ကြောင်း၊ တိုက်တွန်းနှိုးဆော်ကာလ ၁၄ ရက် ကျော်လွန်လို့ မလိုက်နာပါက ကူးစက်ရောဂါကာကွယ်ရေးဥပဒေအရရော၊ ခရိုင် ကိုဗစ်-၁၉ အခြေအနေထိ န်းချုပ်ကွပ်ကဲရေးကော်မတီရဲ့ အမိန့်ဖီဆန်မှုနဲ့ပါ အရေးယူခံရမယ်လို့  ဆိုပါတယ်။ 

ချင်းမိုင်ခရိုင်မှာ ပိုးတွေ့လူနာတွေပိုများလာပြီး ရောဂါပြင်းထန်တဲ့ (အနီရောင်အဆင့်) လူနာ ပါတိုးလာတာကြောင့်  ပို့တွေ့သူများ သပ်သပ်ခွဲထားတဲ့ သီးသန့်စင်တာမှာ အရေးပေါ်လူနာကုဖို့ ခုတင် ၅၀ ပါ အိုင်စီယူခန်း ထပ်တိုးထားရပါတယ်။  

နိုဝင်ဘာ ၁၆ ရက် ထုတ်ပြန်ချက်အရ ချင်းမိုင်မှာ ပိုးကူးစက်ခံရသူ နောက်ထပ် ၃၃၉ ဦးရှိပြီး သေဆုံးသူမရှိပါဘူး။ ဒီနေ့ထိ ပိုးကူးစက်ခံရသူစုစုပေါင်း ၂၃၀၉၅ ဦးရှိပြီး ၁၇၉၂၅ ဦး သက်သာပျောက်ကင်းကာ သေဆုံးသူ ၉၁ ဦး ရှိပါတယ်။ 

နေ့စဉ်ပိုးတွေ့လူနာ ရာနဲ့ချီရှိနေပေမယ့် လာမယ့်ရက်ပိုင်းအတွင်း ကျင်းပမယ့် လွိုင်ကထုန်းပွဲ တော်ကိုတော့ ရုပ်သိမ်းမယ့်သတင်းတွေ မတွေ့ရသေးပါဘူး။ 

12 mins Ago

October 16, 2019

စစ်တပ် အလေးပြုသည့် ပုံစံ အောင်ပွဲခံခဲ့သည့် တူရကီအသင်း အရေးယူခံရမည်

ပြင်သစ်နဲ့ပွဲမှာ နောက်ကျချေပဂိုး သွင်းယူပြီးနောက် စစ်တပ်က အလေးပြုတဲ့ ပုံစံ အောင်ပွဲခံခဲ့တဲ့ တူရကီအသင်းကို ဥရောပဘောလုံးအဖွဲ့ချုပ်က အရေးယူဖို့ ရှိနေပါတယ်။ တူရကီအသင်းဟာ ကမ္ဘာ့ဖလားဥရောပဇုန် အုပ်စုပွဲစဉ်မှာ အဓိက ပြိုင်ဘက် ပြင်သစ်ကို အဝေးကွင်းမှာ ဦးဆောင်ဂိုး အရင်ပေးလိုက်ရပေမယ့် ပွဲချိန် ၈၂ မိနစ်မှာ ချေပဂိုး သွင်းယူနိုင်ခဲ့တာပါ။ အဲဒီဂိုးကြောင့် ပြင်သစ်နဲ့ ရမှတ်တူညီသွားပြီး ထိပ်တိုက်တွေ့ဆုံမှုအရ အုပ်စု ပထမ နေရာမှာ ဆက်လက်ရပ်တည်နိုင်ခဲ့ပါတယ်။ ချေပဂိုးသွင်းယူအပြီးမှာ တူရကီက စားသမားတွေဟာ အလေးပြုပြီး အောင်ပွဲခံခဲ့ကြပြီး နိုင်ငံရေးနဲ့ ဆက်နွှယ်မှုရှိတဲ့ အခြေအနေ ဖြစ်တာကြောင့် အရေးယူခံရဖို့ ရှိနေတာပါ။ တူရကီ တိုက်စစ်မှူး တူဆန်ကတော့ အဲဒီလို အလေးပြု အောင်ပွဲခံခဲ့တာဟာ  နိုင်ငံအတွက် အသက်ပေး စွန့်စားနေတဲ့ မိမိတို့ နိုင်ငံသားတွေအတွက် ဖြစ်တယ်လို့ အင်စတာဂရမ်ကနေ ရေးသားခဲ့ပါတယ်‌ေ တူရကီ စစ်တပ်ဟာ ဆီးရီးယားမြောက်ပိုင်းမှာ ကာ့ဒ်သူပုန်တွေနဲ့ တိုက်ပွဲဖြစ်နေတာ ဖြစ်ပြီး ပြင်သစ် သမ္မတ အီမန်နူရယ် မက်ရွန်က တူရကီတပ်တွေကို ဝေဖန်ထားတာလည်း ဖြစ်ပါတယ်။ ဒါကြောင့် ပြင်သစ်နဲ့ တူရကီ ပွဲစဉ်မှာ အလေးပြုတဲ့ပုံစံနဲ့ အောင်ပွဲခံခဲ့မှုအပေါ်မှာ ဥရောပ ဘောလုံးအဖွဲ့ချုပ်က စုံးစမ်းစစ်ဆေးသွားဖို့ရှိတယ်လို့ သိရပါတယ်။  တူရကီအသင်းဟာ အယ်လ်ဘေးလ်နီးယားကို ၁ ဂိုး ဂိုးမရှိနဲ့ အနိုင်ရခဲ့တဲ့ ပွဲစဉ်မှာလည်း အလားတူ အောင်ပွဲခံခဲ့တာ ဖြစ်ပါတယ်။
2 years Ago
Up