စစ်ကိုင်းတိုင်း၊ ကလေးမြို့နယ်၊ အင်ကျော်ကျေးရွာက ဒေသခံ ဦးဖိုးလုံးကို မြို့နယ်တရားရုံးက ရာဇသတ်ကြီးပုဒ်မ ၅၀၅(က)အရ မတ် ၁၅ ရက်မှာ အလုပ်နဲ့ ထောင်ဒဏ် ၂ ချမှတ် လိုက်တယ်လို့ ဒေသခံတွေက ပြောပါတယ်။
ကိုဖိုးလုံးကို စစ်ကောင်စီဘက်က ကလေးမြို့နယ်က ဒေသခံဝန်ထမ်းတွေကို CDM လှုပ်ရှားမှုမှာပါဝင်ဖို့ လှုံ့ဆော်ခဲ့တာကြောင့် ထောင်ဒဏ်ချမှတ်ခဲ့တယ်လို့ ဆိုပါတယ်။
အင်းကျော်ရွာက ဒေသခံ တဦးက "ရွာကို စစ်သားတွေ ဝင်တုန်းက ရွာနားက တောမှာ တောင်ယာ လုပ်နေချိန် ဖမ်းခံရတာ။ ယာတောဘက်ကို စစ်သားတွေမလာလောက်ဘူး ထင်ပြီး မပြေးဘဲ နေတာကနေ ဖမ်းခံရတာ"လို့ ဆိုပါတယ်။
ကိုဖိုးလုံးကို ဖေဖော်ဝါရီ ၈ ရက်က ကျေးရွာကို စစ်ကြောင်းထိုး ဝင်ရောက်မီးရှို့စဉ် ကျေးရွာနားက ယာတောထဲမှာ ဖမ်းဆီးသွားခဲ့တာ ဖြစ်ပါတယ်။
