နယူးယော့ခ်တိုင်းမ်စ် ကုမ္ပဏီ အလုပ်သမား ၁,၁၀၀ ကျော်ဟာ ပြီးခဲ့တဲ့အပတ်က အလုပ်စာချုပ်အတွက် နောက်ဆုံးရက် သတ်မှတ်ခဲ့ပြီးနောက်မှာ ကုမ္ပဏီဘက်က တွေ့ဆုံညှိနှိုင်းဆွေးနွေးဖို့ ပျက်ကွက်ခဲ့တဲ့အတွက်  ဒီဇင်ဘာ ၈ ရက်မှာစတင်ကာ တရက်တာ အလုပ်ရပ်နားပြီး သပိတ်မှောက်နေကြပါတယ်။

နယူးယော့ခ်ရှိ သတင်းစာဝန်ထမ်းများ အလုပ်သမားသမဂ္ဂ NewsGuild ရဲ့ တစိတ်တပိုင်းဖြစ်တဲ့ သမဂ္ဂဟာ ဒီဇင်ဘာ ၈ ရက် ညသန်းခေါင်ကို အလုပ်စာချုပ် ချုပ်ရမယ့် နောက်ဆုံးရက်အဖြစ် သတ်မှတ်ထားတာပါ။

နယူယော့ခ်တိုင်းမ်စ် ဝန်ထမ်းတွေဟာ ရုံးပိုင်းဆိုင်ရာနဲ့ ဝန်ထမ်းရေးရာပိုင်းတွေမှာ ဆွေးနွေးညှိနှိုင်းစေချင်တဲ့ ဆန္ဒရှိပြီး အဆိုပြုချက်တွေ လုပ်ထားတာ လပေါင်း ၂၀ ကြာနေပြီလို့ နယူယော့ခ်တိုင်းမ်စ် ဆက်သွယ်ရေး ညှိနှိုင်းရေးမှူးလည်းဖြစ်တဲ့ နယူယော့ခ်တိုင်းမ်စ် အလုပ်သမားသမဂ္ဂရဲ့ ယူနစ်ဥက္ကဋ္ဌ ဘီလ်ဘေကာက ပြောပါတယ်။ 

သူတို့ရဲ့ လုပ်ခလစာက ၂၀၂၀ ခုနှစ်တုန်းကထက် ရရှိတာ နည်းနေတယ်လို့လည်း ဆိုပါတယ်။

နယူးယော့ခ်တိုင်းမ်စ်ကတော့ ဝန်ထမ်းတွေ သပိတ်မှောက်မှုကို အတည်ပြုကြောင်း ကြေညာချက် ထုတ်ပြန်ခဲ့ပါတယ်။

၂၄ နာရီပတ်လုံး ရုတ်တရက် သပိတ်မှောက်မှုမှာ  နယူယော့ခ်တိုင်းမ်စ်က ဝန်ထမ်းတွေ အလုပ်ရပ်နားပြီး ပါဝင်လာမှုဟာ ၁၉၈၀ ခုနှစ်နောက်ပိုင်း ပထမဆုံးအကြိမ် ဖြစ်ပါတယ်။

မီဒီယာလုပ်ငန်းက ဘလော့ခ် ဆက်သွယ်ရေးကုမ္ပဏီပိုင် Pittsburgh Post-Gazette မှ သတင်းထောက်တွေနဲ့ မက်ကလက်ချီ ပိုင်ဆိုင်တဲ့ Fort Worth Star တယ်လီဂရမ်မှ ဝန်ထမ်းတွေလည်း လက်ရှိမှာ အဆုံးသတ်ရက် မထားဘဲ သပိတ်မှောက်မှုတွေမှာ ပါဝင်နေပါတယ်။