ပြည်သူ့တော်လှန်ရေးတပ်မတော် DRPA အဖွဲ့အနေနဲ့  အဝေးပစ်ရှောတိုက်ဒုံး အောင်မြင်စွာ ထုတ်လုပ်နိုင်ပြီလို့  DRPAအဖွဲ့တာဝန်ခံက ပြောပါတယ်။

အဆိုပါလက်နက်ကို ပြီးခဲ့တဲ့‌မေလပိုင်းလောက်က စမ်းသပ်ထုတ်လုပ်ခဲ့ပြီး ဒီပဲယင်းရဲစခန်းနဲ့ ဘုတလင်ရဲစခန်းတွေကို စမ်းသပ်ပစ်ခတ်ခဲ့တယ်လို့ DRPAတာဝန်ရှိသူက ပြောပါတယ်။

“ကျနော်တို့ အစပိုင်းက ထုတ်လုပ်ရာမှာ လက်နက်ထိပ်ဖူးကို ၈၀ မမ နဲ့ ၆၀ မမဆိုပြီး နှစ်မျိုးစမ်းသပ်တယ်။ ၈၀ မမကတော့ အနည်းငယ် Error လေးတွေ ဖြစ်တယ်။ ၆၀-မမ ကျတော့ အားလုံးအဆင်ပြေတယ်။ လိုရာကို တိတိကျကျ ပစ်နိုင်တယ်။ အတိကျဆုံးကတော့ ၃ မိုင်လောက်က ပစ်မှတ်ကို ပစ်နိုင်တယ်။ ရောက်တဲ့အကွာအဝေးကတော့ ပို့ယမ်းပေါ်မှာ မူတည်တယ်။ပို့ယမ်းများရင် များသလို မိုင်အကွာဝေး ပိုပြေးတယ်”လို့ DRPAတာဝန်ရှိသူက ပြောပါတယ်။

အဆိုပါစမ်းသပ်အောင်မြင်ထားတဲ့ ဒုံးအလုံးအရေအတွက် ၂၀ လုံးအထိရှိနေပြီး ကုန်ကျငွေအနေနဲ့ တစ်လုံးကို ကျပ်တစ်သိန်းလောက် ကုန်ကျတယ်လို့ သိရပါတယ်။

စစ်ကိုင်းတိုင်းဒေသကြီး၊ အရာတော်မြို့ပေါ်က စစ်ကောင်စီတပ်စခန်းကို ပြည်သူ့ကာကွယ်ရေးအဖွဲ့တွေက ဖေဖော်ဝါရီ ၂၂ ရက် ညနေ ၃ နာရီခွဲလောက် အဝေးပစ်ရှော့တိုက်ဒုံးနဲ့‌ ပစ်ခတ်တိုက်ခိုက်ခဲ့တယ်လို့ သပြေညိုပြောက်ကြားအဖွဲ့ဆီက သိရပါတယ်။

ရှော့တိုက်ဒုံးနဲ့ ပစ်ခတ်ခံရတဲ့ စစ်ကောင်စီတပ်စခန်းဟာ အရာတော်မြို့နယ်အခြေစိုက် အမတ - ၃၉၆ အမြှောက်တပ်စခန်းလို့လည်း သိရပါတယ်။

သပြေညိုပြောက်ကြားတပ်ဖွဲတာဝန်ရှိသူတစ်ဦးက “ကျနော်တို့ ၇၀ မမတစ်လုံးရယ်၊ ရှော့ဒုံးတစ်လုံးရယ် စုစုပေါင်း ၂ လုံးပစ်ခတ်ခဲ့တယ်။ စစ်ကောင်စီက အသေအပျောက်ကတော့ ကျနော်တို့ စုံစမ်းနေဆဲပဲဗျ။ ကျနော်တို့ဘက်ကတော့ အကျဆုံးမရှိခဲ့ဘူး။ အခုလိုပြုလုပ်ရတဲ့ ရည်ရွယ်ချက်ကတော့ ၂ ငါးလုံး အရေးတော်ပုံတစ်နှစ်ပြည့်တဲ့နေ့မှာ သူတို့ရဲ့တပ်အတွင်းမှာ ငြိမ်းငြိမ်းချမ်းချမ်းနဲ့မနေရဘူးဆိုတာ သိစေချင်တဲ့ ရည်ရွယ်ချက်နဲ့ ပြုလုပ်ရတာ” လို့ ဒီဗွီဘီကို အတည်ပြုပြောပါတယ်။

အဆိုပါတိုက်ခိုက်မှုကို သပြေညို ပြောက်ကျားတပ်ဖွဲ့၊ Ayardaw Falcon Force(AF2)၊  Ayadaw   Bone Naing-PDF(A.B.N.PDF)၊ ပတ္တမြားညီနောင် ပြောက်ကြားတပ်ဖွဲ့ ၊ People’s GuerrillasCommando-Myinmu(PGC)၊ Myin Mu Lightning Guerrilla Forceတို့ကဦးဆောင်ခဲပြီးKnights Of The Red Land (KORL) ပျောက်ကြားတပ်ဖွဲ့၊ M.R.T.Fတပ်ဖွဲ့နဲ့ The Guys Of Burma Revolution Force(GBRF) တို့ ပူးပေါင်း လုပ်ဆောင်ခဲ့တာလို့ သိရပါတယ်။