close

အသင်းကြီးများ

close

August 28, 2022

စနေနေ့ပရီးမီးယားလိဂ်ပွဲစဉ်များတွင် လီဗာပူးအပါအဝင် အသင်းကြီးများအားလုံးအနိုင်ရ

စနေနေ့က ယှဉ်ပြိုင်ကစားခဲ့ကြတဲ့ ပရီးမီးယားလိဂ်ပွဲစဉ်တွေမှာ လီဗာပူးအပါအဝင်  အသင်းကြီးတွေအားလုံး နိုင်ပွဲကိုယ်စီ ရယူနိုင်ခဲ့ပါတယ်။

အစောဆုံးပွဲစဉ်ဖြစ်တဲ့ ဆောက်သမ်တန်နဲ့ မန်ယူအသင်းတို့ရဲ့ပွဲစဉ်မှာ မန်ယူအသင်းက ဘရူနိုဖာနန်ဒက်စ်ရဲ့ တစ်လုံးတည်းသောဂိုးနဲ့  နှစ်ပွဲဆက်တိုက်နိုင်ပွဲပြန်ရခဲ့ပါတယ်။ 

အလားတူ ချဲလ်ဆီးကလည်း ပွဲချိန်မိနစ် ၆၀ကျော်ကို တစ်ယောက်လျော့နဲ့ ကစားခဲ့ရပေမဲ့ လက်စတာကို ၂ ဂိုး ၁ ဂိုးနဲ့ အိမ်ကွင်းမှာ နိုင်ပွဲရခဲ့တာပါ။ 

လီဗာပူးကတော့ တန်းတက်ဘုန်းမောက် အသင်းကို ၉ ဂိုး ဂိုးမရှိနဲ့ ဂိုးပြတ်နိုင်ပြီး ဒီနှစ်ရာသီမှာ ပထမဆုံးနိုင်ပွဲရသွားသလို  မန်စီးတီးက ခရစ္စတယ်ပဲလေ့ကို ၄ ဂိုး  ၂ ဂိုးရလဒ်တွေနဲ့ အနိုင်ရခဲ့ပါတယ်။ 

စနေညနောက်ဆုံးပွဲစဉ်အဖြစ်ကစားခဲ့တဲ့ အာဆင်နယ်နဲ့ ဖူဟမ်တို့ရဲ့ လန်ဒန်ဒါဘီပွဲစဉ်မှာ အာဆင်နယ်က ၂ ဂိုး ၁ ဂိုးနဲ့ အနိုင်ရခဲ့ပါတယ်။ 

တနင်္ဂနွေနေ့မှာတော့ ကြီးခြောက်ကြီးစာရင်းဝင် အသင်းတစ်သင်းဖြစ်တဲ့ တော့တင်ဟမ်ဟော့စပါး က နော်တင်ဟမ်ဖောရက်နဲ့  ယှဉ်ပြိုင်သွားရမှာဖြစ်ပါတယ်။ 

4 mins Ago

November 19, 2019

ဘရာဇီးကြယ်ပွင့် ရိန်နီယာဂျီးဆပ်စ်ကို ခေါ်ယူရန်  အသင်းကြီးများ အပြိုင်ကြိုးပမ်း

အသက် ၁၇ နှစ်သာ ရှိသေးတဲ့ ဘရာဇီး လူငယ်ကြယ်ပွင့် ကွင်းလယ်ကစားသမား ရိန်နီယာ ဂျီးဆပ်စ်ကို ပီအက်စ်ဂျီ၊ ရီးရဲလ်မက်ဒရစ်၊ မန်စီးတီးတို့လို အသင်းကြီးတွေနဲ့ အပြိုင် အာဆင်နယ်ကလည်း ငွေကြေးအမြောက်အမြား သုံးပြီး ခေါ်ယူဖို့ ကြိုးပမ်းနေပါတယ်။ ဖလာမင်ဂိုအသင်းအတွက် အခုနှစ် ဘောလုံးရာသီ ၁၃ ပွဲ ကစားထားတဲ့ ရိန်နီယာအတွက် ပေါင်သန်း ၆၀ လောက်ထိ သုံးစွဲဖို့ ကြိုးပမ်းနေတဲ့ အာဆင်နယ်အသင်းအနေနဲ့ သူ့ရဲ့ဖခင်ဖြစ်သူနဲ့ အဓိက ချိတ်ဆက်ထားတယ်လို့ သိရပါတယ်။  ရိန်နီယာရဲ့ ဖခင်ဟာလည်း သားဖြစ်သူရဲ့ အနာဂတ်အတွက် အသင်းတသင်းမှာ အခြေကျနိုင်ဖို့ ဥရောပထိ ရောက်ရှိနေခဲ့တယ်လို့ သိရတာကြောင့် မကြာခင်မှာ ဘရာဇီး ကြယ်ပွင့်တပွင့်ကို ထိပ်သီးလိဂ်တခုမှာ တွေ့မြင်ရဖို့ ရှိနေပါတယ်။ အာဆင်နယ်အသင်းဟာ အခုရာသီအစက ဘရာဇီးကလပ်က အီတူအာနိုကနေ မာတင်နယ်လီကို ခေါ်ယူထားပြီး ပြိုင်ပွဲစုံ သွင်းဂိုး ၇ ဂိုးအထိ သွင်းယူ ‌ခြေစွမ်းပြသထားနိုင်ပါတယ်။
3 years Ago

ဂျူဗင်တပ်စ် တိုက်စစ်မှူး မာရီယိုမန်ဇူကစ်ကို ခေါ်ယူရန် အသင်းကြီးများ အပြိုင်ကြိုးပမ်းနေ

ဂျူဗင်တပ်စ် တိုက်စစ်မှူးမာရီယို မန်ဇူကစ်ကို ခေါ်ယူဖို့အတွက် ကြိုးစားနေတဲ့ ကလပ်အသင်းတွေထဲမှာ မန်ချက်စတာယူနိုက်တက်အသင်းအပြင် ဒေါ့မွန်အသင်းလည်း ပါဝင်လာပါတယ်။ အခုနှစ် ဘောလုံးရာသီအစကတည်းက ပွဲထွက်ကစားခွင့်ရရှိဖို့ ရုန်းကန်နေရတဲ့ မန်ဇူကစ်ကို စိတ်ဝင်စားနေခဲ့တဲ့ တသင်းတည်းသော အသင်းဖြစ်တဲ့ မန်ချက်စတာယူနိုက်တက်အပြင် ဒေါ့မွန်အသင်းကလည်း အပြိုင်ကြိုးပမ်းလာတာလည်း ဖြစ်ပါတယ်။  ဒေါ့မွန်အသင်းဟာ အခုနှစ်ဘောလုံးရာသီမှာ အဆင့် ၆ နေရာထိ ရောက်ရှိနေပြီးတော့ အသင်းရဲ့ တိုက်စစ်ပိုင်းကို အားဖြည့်ဖို့အတွက် အတွေ့ကြုံရင့် တိုက်စစ်မှူးတဦးကို ခေါ်ယူဖို့ ပစ်မှတ်ထားလာတာ ဖြစ်ပါတယ်။ အသက် ၃၃ နှစ်အရွယ် ဂျူဗင်တပ်စ် တိုက်စစ်မှူးဟာ ပွဲပေါင်း ၁၆၂ ပွဲကစားပြီး ၄၄ ဂိုး သွင်းယူပေးခဲ့တဲ့အပြင် လက်ရှိမှာလည်း ထိပ်တန်းကစားသမားအဆင့်မှာ ရှိနေသေးလို့ အသင်းကြီးတချို့က စိတ်ဝင်စားခဲ့ပေမယ့် လက်ရှိမှာတော့ ဒေါ့မွန်နဲ့ ယူနိုက်တက် ၂ သင်းပဲ အပြိုင်ခေါ်ယူဖို့ ကြိုးပမ်းရတော့မှာ ဖြစ်ပါတယ်။
3 years Ago
Up